陳啟泰和劉錫賢近日接受楊紹鴻、江美儀主持的電台節目《一起走過》訪問，大談他們在亞視年代的工作點滴。
陳啟泰出身於TVB，笑言由於外表似司儀，一直被安排當主持人的工作，他先後主持過《香港早晨》、《K-100》等，後來才有機會拍劇。看似發展不俗，何以會轉投亞視？他說：「如果留喺TVB有排等啦！（你唔係已經炙手可熱？）慘就慘在《再見亦是老婆》、《大鬧廣昌隆》、《隱形怪傑》係感覺有機會發展，佢又停我喺度，之後又跌番落去，TVB係咁呀嘛！你做開二線，突然會跌番落三、四線，經常發生，而且發生好多次，唔止喺我身上，發生喺好多人身上無數次！難得套劇收得，啲人周街叫你個名，連入油個阿姐都問我『馬醫生，你會唔會同肥師奶點點點……』，但後尾已經冇得再上一層樓。既然做開嗰度未必有機會，咁你咪唔好排呢條隊，排過第二條隊囉，好簡單之嘛，你唔過塘就冇機會！」
【流行經典50年】陳啟泰首次踏足將軍澳電視城 入行30年回娘家獻聲感觸良多【下一頁】
陳啟泰和劉錫賢上節目分享亞視的回憶。(《一起走過》Facebook）
陳啟泰有一種知性的有型感覺。（東星娛樂)
主持《百萬富翁》深入民心。（東星娛樂）
陳啟泰稱跟江美儀有過不少合作，江美儀說：「佢真係好錫老婆，我同佢去拍飲食節目，每去一個地方就打畀老婆，『老婆，我同美儀去咗呢間餐廳，幾好笑，下次帶你嚟食！』，下次又話見到個手提電話唔錯，又打畀老婆話買畀佢。錫老婆錫到不得了，我同佢傾人生大事，發現佢呢個人唔大野心，當時佢啱啱買樓用晒啲錢，佢話只要佢供甩層樓就可以唔做，話老婆教琴養番佢。」他解釋不是不上進，只是在香港供完樓已經沒有甚麼可擔心，不敢奢望事業更上一層樓，入行最重要是享受過程。
陳啟泰於1998年加入亞視，當年跟太太陳懿恆結婚，至今22年，繼續享受二人世界。太太非常低調，是一名碩士生，現職鋼琴名師，畢業於音樂系的她，個人獨奏了得，亦會參與音樂會和合唱團的伴奏，目前亦有擔任進修學院的音樂程講師。而陳啟泰外表像是事業型，原來他熱愛為太太下廚，最擅長煮西餐，放假會跟太太旅行，遊歷世界各地。
《百萬富翁》陳啟泰做金牌司儀致富？ 十幾年造型如一原來暗藏秘密【下一頁】
陳啟泰甚少在公開活動與太太結伴出動，這次電影首映是罕有的一次。（東星娛樂)
二人沒有生兒育女，對狗狗愛護有加。（陳啟泰Facebook）
陳懿恆學歷高。（「香港鋼琴教育專業學院」網頁截圖)
太太為鋼琴名師。（「香港鋼琴教育專業學院」網頁截圖)
陳啟泰笑言由TVB轉投亞視，獲得雙倍人工，加上《百萬富翁》和晚宴司儀的外快，令他順利供完層樓。對於離開亞視，他說：「我離開有兩個女人為我喊，一位係鮑姐鮑起靜，邊喊邊問點解亞視搞成咁，另一位係服裝間『大眼』，佢喊住話留番個Locker畀我，呢兩個女士為我喊過，有情有義。」
對於後來亞視台慶在北京扔壽桃包同政總門外跳舞，他跟劉錫賢直斥荒謬，陳啟泰說：「我有去，見一見老闆就走，否則就要留低跳《江南Style》。」劉錫賢同樣見老闆上台後，隨即離開，他說：「真係好荒唐！北京嗰次係因為製作太依賴香港人，香港人唔知大陸人睇騷習慣，佢哋唔會畀你有廣告時間，而且當晚特別嘉賓又唔係特別吸引，所以中場就已經走咗好多人。當時扔壽桃包係賀生日，同事已經叫咗大家向前扔就算，點知後生班藝員玩得太興奮，扔上去冇人嘅觀眾席，畀人影低晒落嚟，成為一場鬧劇！」
劉錫賢和陳啟泰提到亞視最後的日子都不禁冷笑。(《一起走過》Facebook）
責任編輯：楊安莉