【怪誕黑巫后】帶小朋友睇戲開場前播恐怖片預告 港媽投訴戲院︰會嚇親小朋友

部份電影或電視節目都有設定觀眾年齡限制，不宜小朋友觀看。一名港媽日前在Facebook發文，表示帶小朋友到戲院觀看電影時，開場前播放一套恐怖片的預告，認為此舉不妥，會影響小朋友，遂於完場後到票務處投訴。帖文引起爭議，網民批評港媽杞人憂天，過份保護小朋友，「唔想睇預告片就遲啲入去囉」。

【功課壓力】小學生寫「確」遭老師圈錯改「确」，港媽一頭霧水：我要點教女？，詳情即睇︰【下一頁】

該名港媽日前在Facebook群組「將軍澳主場」發文，指帶小朋友到戲院觀看改編電影《怪誕黑巫后》（The Witches），惟在開場前預告片時間，剛好播放一套日本恐怖電影的預告片，令她大感驚訝，隨即掩蓋小朋友的眼睛和耳朵。

在電影播放完畢後，港媽遂到票務處投訴；她形容當時票務部職員表情迷茫，表示會向經理反映事件。港媽續指，她在該戲院觀看電影多年，未曾遇過預告片和放映電影類別差距這麼遠的情況，

「播套恐怖片trailer在小朋友電影完全唔合適！希望戲院多加留意！因為真係會嚇親小朋友。」

網民發現電影屬IIA級「兒童不宜」

帖文引起熱議，不少網民認為港媽小事化大，有預告片屬正常；有人又指出港媽觀看的電影屬係IIA級，即兒童不宜，「女巫不是恐怖片嗎？恐怖片配恐怖片的預告好正常呀？」有網民分析指，港媽觀看的電影本身不太適合小朋友，所以播放的預告片都「不太適合小朋友」，「我印象中一級電影好似就算係trailer都唔會太暴力或者恐怖」。亦有人建議，港媽如擔心小朋友受影響，可待電影正式開場時才入座，「咪遲小小入場囉，唔通人哋賣廣告都唔畀咩」。

此外，亦有網民分享類似經歷，指試過在戲院觀看卡通片時，開場前播放恐怖電影預告片，「有啲人可能係唔想睇恐怖片先睇笑片」。未知是否因為惹來非議，帖文發布後不久遭港媽刪除。

根據香港法例第392章《電影檢查條例》，香港電影分級制度主要依據觀眾年齡限制劃分為I、II、III三級，第II級再細分為IIA及IIB兩個級別；當中第I、IIA、IIB級屬勸諭性質，並無法定年齡限制。事件中的IIA級電影屬於兒童不宜，雖然任何年齡人士皆可觀看，但建議12歲以上人士觀看，或由家長陪同及指導子女觀看。

【新冠肺炎+上呼吸道感染】幼稚園取消茶點生日會，港媽不滿：小朋友一定好失望，詳情即睇︰【下一頁】

每朝索取《晴報》：精明生活．健康家庭．娛樂資訊

撰文：劉紀瑩