【健康飲食】健身減重即食雞胸熱爆 嚴選5款好食又低卡

港人愈來愈注重健康，無奈受疫情影響，不少人發現在家工作、減少外出期間，不自覺「增磅」。近來即食雞胸等產品在網上大熱，品牌、款式及口味五花八門，部分產品更聲稱低卡又低脂，有助減肥增肌。本網搜尋了市面5大雞胸品牌，就算要減肥都可以食得好滋味！

1.Healthilia︰慢煮雞胸夠Juicy 減肥都有好嘢食

{{hket:inline-image name="sksinn20201004210.jpg"}}{{/hket:inline-image}}

{{hket:inline-image name="sksinn20201004212.jpg"}}{{/hket:inline-image}}

由兩名90後年輕人於2018年成立的Healthilia，主打以慢煮形式烹調食品，鎖住肉汁，並有日式燒汁、BBQ、番茄等口味，但每塊雞胸卡路里僅約130卡，並有22克蛋白質，低卡得來又健康，適合減肥或健身人士食用。記者試食後最愛BBQ味，Juicy程度如同食雞扒，食後絕對讓你放棄「雞胸＝鞋烚烚」的想法。老闆Jack更透露，今年1月在10多間24小時健身中心增設了「雞胸自動售賣機」，啱哂注重健康的健身人士。

2.Fitasty︰低卡口水雞宮保雞丁 唔怕食肥人

{{hket:inline-image name="1.jpg"}}{{/hket:inline-image}}

{{hket:inline-image name="JCP00226.jpg"}}{{/hket:inline-image}}

減肥必定要戒口？由80後女生Yoyo於3年創立的Fitasty，產品口味夠地道創新，有滷水、口水雞、鹽酥雞等選擇，亦有即食魚柳、牛扒等產品，十分多元化。另外，店內亦有由營養師調配好分量及食材的真空低卡健康餐，當中有滷肉飯、宮保雞丁、慢煮牛腩等菜式，一餐包含蔬菜、蛋白質及澱粉等所需，並列明相關卡路里，有助控制體重。Yoyo說，每星期都會轉餐單，食品多達50至60款，等你減肥都可以食得好滋味。

3.Leteatgoal︰本地工場新鮮製造 疫下月賣數萬包

{{hket:inline-image name="c68634d7-092f-471c-a1fc-4ce0d28006d0.jpg"}}{{/hket:inline-image}}

同於2018年成立的Leteatgoal，亦有推出多種口味的即食雞胸，較特別的有冬陰功、芥末味等，每包卡路里只約160至200卡，而且使用泰國無激素雞，並由香港本地工場新鮮製造，絕無防腐劑等添加。負責人Sam說，由於產品方便又健康，疫情下生意勁升，高峰期可以月賣數萬包，認真犀利。

4.JAPAN Fitness Meal︰和風即食雞胸 最低僅108卡路里

{{hket:inline-image name="88950504_100388534931437_2079593164376637440_n.jpg"}}{{/hket:inline-image}}

除了本地薑，過江龍亦有健康選擇。JAPAN Fitness Meal有售多種日本真空包裝到港的即食雞胸，口味當然以和風為主，例如有屋台風日式炒麵味、和風醬油味，亦有清淡的柚子、檸檬口味等，每款卡路里由108卡起，以及有17克以上蛋白質，無論就咁食或是運動後補充蛋白質都得，食多兩塊都唔怕肥，減重都可以食日本嘢！

5.Impavid-fitness︰首創酸菜魚味雞胸 問你試過未

{{hket:inline-image name="123.JPG"}}{{/hket:inline-image}}

位於太子的Impavid-fitness出售的即食雞胸有多款口味，另外亦有速食西蘭花、薯蓉等食品，為客人提供方便又美味的即食食物，其中雞胸除了有瑞士汁、醉雞味外，更有首創的酸菜魚口味，夠晒特別。

常留家抗疫，久坐不動下半身易肥易水腫，5個動作瘦大腿收緊臀部，詳情即睇【下一頁】

撰文︰石嘉盈
責任編輯：蔡少紋