【食用安全】主婦街市買石斑魚身輕微發脹 落鑊一煎爆出2粒腫瘤即掉棄【附海鮮專家解釋】

魚身驚現奇怪腫瘤，還可以安全食用嗎？日前有主婦購在魚檔買小石斑，落鑊煎熟時，驚覺魚身爆出2粒黑色腫瘤，擔心有食用安全問題，立即扔掉整條魚。有海鮮專家接受《晴報》訪問時表示，魚身長出「墨瘡」非常常見，並拆解其食用安全風險。

該主婦在Facebook群組「今晚煮乜好」表示，日前在魚檔購買了一條小石斑，清洗時已經發現魚身「脹脹地」，但摸起來觸感並無異樣，亦沒有發現其身上有異物，故未有特別為意。但當事主將該條小石斑落鑊欲煎熟時，近魚尾部位卻突出2粒黑色腫瘤，甚為駭人，

「本身佢背脊脹咗2粒，但摸落去無嘢，一落鑊煎就爆咗出嚟，變成咁樣，好得人驚，點解會咁呢？」

帖文引起網民熱議，不少人均表示其外形可怕，呼籲事主切勿進食，「掉咗佢啦，嗰條都唔知咩魚嚟」、「未試過，直接掉左去吧！太嚇人」。有網民則認為，海魚有腫瘤屬正常，切除後可照常食用：「如果自己覺得心理上唔舒服嘅話， 咁就唔好食掉咗條魚啦！」、「正常劏魚時發現批咗出嚟，如果唔係，蒸熟條魚會爆開，流晒啲墨汁出嚟。」

專家拆解：魚類常生「墨瘡」

香港海鮮聯合總會主席李彩華接受《晴報》訪問時表示，魚類生腫瘤並不罕見，圖中魚身上的黑色異物為「墨瘡」，屬常見現象；由於「墨瘡」藏於魚肉裡面，故市民難以察覺，通常都在熟透後才會「現形」 。他指出，一般經驗豐富的魚販都可憑觸感摸到，切除後可照常食用；但若不小心戳穿「墨瘡」，會令整條魚染黑，則不建議進食。

【街市常識】主婦切開魷魚內藏20條魚仔 網民怒轟呃秤或錯怪魚販【附海鮮專家解釋】，詳情即睇【下一頁】

每朝索取《晴報》：精明生活．健康家庭．開心娛樂

撰文︰黎穎芯