全港首創鷹嘴豆蛋黃月餅 保留傳統又新鮮健康

仲有個幾月就到中秋節，唔少人都鍾意食月餅，公關姊妹又有好推介，原來YouTube頻道「健康•旦」節目主持鄭丹瑞，最新搵嚟陳慧儀製作以鷹嘴豆取代傳統蓮蓉嘅月餅，並由李純恩監製，新鮮感十足又夠晒健康。

鷹嘴豆係常用於黎巴嫰菜嘅頭盤，營養價值高，並有助通血管、降血糖。今次陳慧儀以鷹嘴豆取代傳統蓮蓉，再加入蕎麥、藜麥、黑小米和奇亞籽等超級食物，有清理腸胃、抗氧化、穩定血壓等功效，健康之餘仲可以保留傳統月餅嘅色、香、味㖭！黛安同李純恩傾開，佢話鷹嘴豆加埋其他超級食物，可以令月餅嘅餡料更有咬口！

呢款「鷹嘴豆蛋黃月餅」仲要係香港製造，一盒6個迷你裝，盒面更加係佢親自設計㗎！每盒定價$288，即日起至9月29日，可於全綫鴻福堂分店買月餅電子e券，下個月20日至29日憑券到鴻福堂30間指定分店，就可換領月餅喇，大家快啲訂購試下啦。