【新冠肺炎】曾幫襯彬記拒做檢測新抱勸籲不果 老爺奶奶：一陣中咗要隔離好麻煩

本港爆發第三波新冠肺炎疫情，其中佐敦新發茶餐廳、坪石邨彬記粥麵美食更出現多宗確診病例。有女網民吐苦水，指老爺、奶奶日前曾光顧「彬記」，被勸主動作深喉樣本檢驗時，卻以「中咗（新冠肺炎）又要隔離又要剩，麻煩」為由推搪，令她大感不滿，只好自行接受檢測。不過，有網民表示：「樓主驗咗唔中，但都唔代表佢哋（家人）冇中。」

一位匿名女網民上周二（7日）上午向Facebook專頁「生仔要考牌系列」投稿，表示自己的家人日前曾光顧位於彩虹坪石邨玉石樓的「彬記粥麵美食」。由於該間食店目前涉及多宗本地確診個案，事主遂請家人主動排隊「拎樽仔」進行深喉樣本化驗，以檢測是否感染上新冠病毒。未料，其老爺、奶奶聞言後回答：

「唔使、唔要、唔制、客氣、多謝你......一陣中咗（新冠肺炎）點算好，又要隔離又要剩，麻煩。」

事主聽後大感錯愕，加上擔心自己受到感染，不禁在帖文中反問：

「係唔係應該掉番轉我多謝你呢？」

事主續指，由於擔憂自己會不幸染疫，已詢問有關職員，並準備遞交「化驗樽」，「佢哋（家人）唔做（深喉樣本化驗），我做都可驗到有無中嘅」。

{{hket:inline-image name="107267997_583151162573327_976851475546352382_o.jpg"}}{{/hket:inline-image}}

事主準備呈交「化驗樽」以進行新冠病毒檢驗。（「生仔要考牌系列」Facebook）

不少網民看到帖文後，紛指摘事主家人的做法自私，不禁留言揶揄「神邏輯，原來無驗就等如無（感染）」、「唔驗咪唔會中囉，你識唔識架」；亦有人讚賞事主自律，「假如樓主不幸中招，但你嘅自律行為卻救咗班街坊」。

不過，亦有「心水清」的網民指出：「結果會唔會佢哋中你唔中？」、「就算樓主驗咗唔中，但都唔代表佢哋冇中，所以樓主唔中都應該同長老謝絕見面！」

延伸閱讀：【新冠肺炎】西區、鑽石山、將軍澳多地榜上有名 確診患者出沒商場、食肆名單一覽【7月12日深夜最新】

文章獲Facebook專頁「生仔要考牌系列」授權刊登。

每朝索取《晴報》：精明生活．健康家庭．開心娛樂

撰文：蘇麗儀