屈臣氏簽署《全球減塑承諾》 避免過度包裝減PVC用量

購物可以話係香港人生活嘅一部分，有無諗過購物之餘仲可以減塑？黛安聽公關姊妹講，屈臣氏集團宣布成為首個簽署《全球減塑承諾》嘅保健及美容零售商，承諾提升旗下自家品牌產品包裝嘅環保要求，包括避免過度包裝同減少聚氯乙（PVC）使用量，目標係2030年前全面淘汰PVC。其實屈臣氏一直都好重視可持續發展，由2014年起已全面禁止自家品牌嘅美容或個人護理產品使用塑膠微粒，今年1月起，仲延伸至停售所有含塑膠微粒成分嘅美容及個人護理潔膚產品。

屈臣氏集團首席營運總監及集團（亞洲及歐洲）行政總裁倪文玲同黛安分享，集團了解顧客對可持續發展嘅議題愈來愈關注，佢哋會秉持相同理念，認真看待可持續發展嘅品牌，創造一個可持續發展嘅環境，並為顧客提供更多可持續產品嘅選擇！