【無品乘客】缺德巴士大叔踩上座位剪腳甲 乘客好心勸阻惡男持指甲鉗作勢打人

新冠肺炎疫情未止，市民應時刻保持個人衛生，然而近日有市民在青衣搭巴士期間，遇見一名缺德大叔，公然踩上巴士座位剪腳甲，事主見狀即出言勸阻，惟對方疑心有不甘被指責，持指界鉗作勢打人。

該名網民前日（19日）在Facebook 群組「青衣街坊吹水會」上發帖，指自己在青衣城乘搭九巴68A時，目擊一名大叔在巴士上層剪腳甲，並將雙腳踩上，然後又在座位盤膝而坐。

事主見狀好心上前勸阻，著對方將雙腳放下，惟大叔疑不甘被指責立即起身，持鎖匙連指甲鉗作勢打人，態度囂張表示「有腳刺咪剪」，事主一再強調：

「放隻腳落嚟啦，其他人都要坐！」

不過大叔仍然堅持「咁有腳刺吉住味咪要剪」。二人一直爭論，最終大叔將雙腳放回地上，疑不服氣一直自言自語，再出言嘲諷：

「咁叻去中環坐寫字樓嘆冷氣！」

帖文一出即引來不少網民回應，紛紛表示自己曾遇過同類經歷，「以前試過搭鐵（港鐵人多人，有個c9（師奶）坐喺度啪啪啪，企佢前面條友都避開佢，我出聲話剪就返屋企剪啦！之後佢即刻收埋個鉗」、「去餐廳吃飯，隔離枱有人剪指甲，即刻喝停」，更有網民表示試過搭巴士時，最誇張連續兩日遇見同一無品乘客，在巴士上搽指甲油。

每朝索取《晴報》：精明生活．健康家庭．娛樂資訊

撰文︰潘迦晴