【車長乘客大戰】巴士遲到被乘客爆粗責罵 車長怒極大爆發：我打工㗎咋！

遇上巴士遲到，有乘客竟直接向車長大發脾氣？昨日（19日）網上流傳一段短片，顯示在一架滿載乘客的巴士上，一名男乘客與車長發生口角後，被車長公然大聲「教訓」。不過車長反擊背後，原來暗藏滿腔委屈，而他更獲得一眾網民力撐。

有網民在Facebook群組「柴灣人柴灣事」發放該段短片，指事發於前晚（18日）深夜11時許，一架由深水埗前往小西灣的城巴118路線巴士上，發生了一場乘客與車長「粗口大戰」。涉事男乘客疑不滿巴士遲到，上車後即以粗口「問候」車長，因而惹怒車長。

從短片顯示，事發時巴士停泊路邊，疑似剛埋站上客。片段起初，車長大聲質問乘客：「我而家問你乜X嘢事，X我老母！」乘客解釋：「等咗好X耐」，車長聽後再度大發雷霆，表示：

「等得耐關我X事！我哋全部睇時間開車！你一上車X我老母？我打工㗎咋，唔係帶個老母畀你X，你明唔明？」

涉事男乘客未知是否自知理虧，過程中未有反駁。最後為免阻礙行車，雙方約定到達藍灣半島總站後再處理此事。雖然過程中沒有其他乘客出聲，但其後有人落車時幫車長說話，自己落車時亦安撫車長：「我都唔該車長，遲到未必關你事的。」

此事引來網民熱議，雖然車長表現火爆，但不少人認為涉事乘客無理在先，紛紛留言斥責：「要求咁高坐的士！」、「唔等得，搭的士！」、「你等得耐真係關個巴士佬乜事呀？」、「有本事自己買架車請個司機，搭巴士又要問候人，不知所謂！」

另有網民表示：「有時交通情況好難講，如果真係唔滿意架巴士遲到，可以私底下記底巴士車牌、司機ID、時間、上車車站同落車車站名作出投訴或畀意見。上車就問候人，大佬，人哋都冇得罪於你，加上條路唔係得一架巴士行，香港最出名就係交通繁忙，包容吓啦！」

責任編輯：李凱晴