【真係有用？】大媽疑嫌巴士冷氣太凍出奇招擅撕椅背廣告貼紙黐實風口位

發佈時間: 2020/06/05

為抗巴士車廂冷氣強風，有大媽出「奇招」解決！將軍澳一名街坊日前在巴士上目睹一名大媽疑感車廂冷氣太凍，竟把椅背上的廣告貼紙撕下，再貼到車頂的風口位上，意圖蓋住冷氣強風。大媽做法令不少網民嘖嘖稱奇，笑言「咁都畀佢諗到」，但亦有不少人指摘涉事大媽「破壞公物」，行為不可取。

一名男網民上周五（5月29日）晚上在Facebook群組「將軍澳街坊經濟圈」中發影片，表示日前在巴士上目睹一名中年大媽疑因感到車廂冷氣過於強勁，竟擅自撕下前方椅背上一張廣告貼紙，再將貼紙貼在近車頂的風口位位置上，意圖把冷氣強風遮蓋。樓主不禁揶揄道：

「個人覺得佢應該要撕打橫大張嗰張先夠遮。」

從上傳影片可見，一名身穿粉紫色上衣的中年大媽，坐在巴士上層靠走廊的位置。未知是否感車廂冷氣太強「吹到個頭」，該名大媽擅自撕下前方椅背上、一張呈雲朵形狀的廣告貼紙，隨後把貼紙貼到近車頂位置的風口位上，意圖遮蓋冷氣強風。

撕下椅背貼紙。（影片截圖）

把貼紙貼到車頂風口位上。（影片截圖）

樓主指大媽疑感「怕羞」，未有再出手撕下另一張廣告貼紙。（影片截圖）

樓主直言「我又唔覺得佢錯，又唔覺得佢啱」，遂在帖文中詢問網民：

「大家對佢嘅行為有乜睇法？」

一眾網民意見分歧，有人認為涉事大媽的行為屬「情有可原」，「新車冷氣位確實做得唔好，坐出面位兜頭吹係好唔舒服」、「手工幾好」、「長知識」、「有時我都會想黐晒啲兜頭噴嘅冷氣風口」、「咁都畀佢諗到」、「可接受，我覺得佢幾醒」。

但亦有人認為，大媽的行為沒有公德心，「梗係錯啦，破壞公物呀」、「咁嘅人都有架，成年人嚟架，做埋啲咁缺德兼痴(黐)線嘢！」、「第一步已經是錯，破壞公物，影響空調」。

撰文：蘇麗儀

最新文章