【待遇大不同】港女腸胃炎巴士上突嘔吐 獲乘客送上紙巾膠袋勁暖心 男友另一架車上嘔足3次結果...

搭車時看到有乘客嘔吐，有人會伸出援手，有人卻避之則吉。一名女士日前乘搭巴士時，因腸胃炎而突然嘔吐大作，所幸車上乘客紛紛遞上紙巾、膠袋、搓手液，甚至口罩給她，雪中送炭之舉令狼狽萬分的她大為感動。但另一邊廂，其男友在另一架車上亦狂嘔3次，所受待遇卻與她有天壤之別，令一眾網民不禁大呼：「男朋友可憐啊！」

「感謝6月4日早上8:15左右乘搭73X的上層乘客！」該名女士上周五（5日）在Facebook群組「Tai Po 大埔」發帖，指自己上周四（4日）早上8時15分左右乘搭九巴路線73X期間，突然覺得不適，更忍不住嘔咗大作。雖然她嘔完後，後面有乘客拔足狂奔，但她表示理解：

「我都好明白嘅，而家仲係非常時期，突然見到人嘔都真係幾驚。」

而令她感到意外的，是其他乘客的暖心舉動，「然後其他乘客們開始陸續爭相遞紙巾、濕紙巾比我，仲有乘客俾咗個膠袋我添！前面乘客仲問我：『我有多個口罩呀，你要唔要呀？』然後隔離個乘客又問我：『你需唔需要搓手液呀？』」

對於乘客們的善舉，她十分感激：

「嗰吓我真係感動到差啲流淚！車上面竟然有咁多好人，大埔人真係好！」

不過，與她一同「食錯嘢」的男友卻沒有如此幸運。她指出，同一天早上，其男友與她發生一樣情況，

「佢就冇我咁好彩，佢話喺車度嘔咗3次，嘔到成身都係都冇人理佢，直至佢開口問人有冇膠袋／紙巾，問咗幾分鐘，先有個阿姨遞個膠袋畀佢……」

此事引來網民熱議，不少人留言祝福樓主與其男友早日康復，同時認為男女待遇大不同，替其男友的狀況感到心酸，「男女有別！」、「男朋友可憐啊！」、「很大對比！」、「保重身體！小心飲食！」、「樓主男友仔真係好慘、仲要3次！祝願你同男友仔快些康復！」

責任編輯：李凱晴