【自私播毒】巴士濃妝女多次被發現無戴口罩 乘客好心送口罩仍拒戴被轟自私

新冠肺炎疫情持續升溫，為了保護自己及他人，大部分市民外出時均會佩戴口罩。但有市民指連日來搭巴士時，都發現一名女乘客不戴口罩；雖然曾多番勸告，並送上全新口罩，但對方仍然懶理拒戴，令他感到非常無奈，大嘆道：「我真係唔知點做！」

該名男網民昨日（17日）在 Facebook 群組「Tai Po 大埔」發帖，指連日來在大埔乘搭九巴路線73X時，都會發現一名在廣福邨上車的女乘客不戴口罩，網民稱已多次提醒對方戴上口罩，但對方仍然懶理，而車上其他乘客則無動於衷。

「呢個人每日喺廣福邨搭73X都唔帶口罩 (係每日)，叫極佢都係咁，車上面嘅人又無動於衷，我真係唔知點做。」

他又指出，自己曾好心送口罩給對方，但無奈對方仍然拒戴，

「我有畀獨立包裝佢，佢話自己有，但係又唔戴......我唔係想批評佢，我只係覺得而家疫情未受控，我哋應該戴返個口罩，減輕醫護人員嘅負擔。」

對於有網民指司機理應有權要求無戴口罩的乘客下車，樓主回應指自己曾通知司機此事，但對方未有理會繼續開車。此事亦引來大批網民留言，紛紛炮轟涉事女乘客行為自私，但無奈指出她是有自由不戴口罩，「不是強制，只能同佢保持距離」。

此外，從樓主上傳照片可見該名女乘客打扮亮麗，有不少網民猜測或許她是因不想妝容被毀而拒戴口罩，「佢係咪因為帶口罩驚甩粉？」、「化妝化咗大半日，要佢戴口罩，遮住佢好難呀！」

延伸閱讀︰

【自私播毒】粗口姐不戴口罩被禁入新之城 女職員慘捱鬧繼續禮貌勸退【查看詳情】

【拒戴口罩】自私大叔上環等巴士拒戴口罩 懶理乘客勸告：我就係唔戴【查看詳情】

撰文︰潘迦晴

責任編緝：李凱晴