新地21商場消費滿$300 人人有獎

最近香港疫情回穩，黛安都好想盡情買嘢慶祝。收到公關姊妹消息，新鴻基地產旗下21個商場，由聽日（22日）起推出「心意分享，人人有獎」活動，只要喺場內消費滿$300，即有機會參加「即抽即中大抽獎」。聽講商場準備咗20幾萬份、價值超過$600萬嘅禮品，包括潮人必搶嘅iPhone 11 Pro、Dyson Supersonic風筒等，保證人人有獎，每人每日抽獎機會可多達3次，優惠期至6月21日。

公關姊妹仲話，因應疫情關係，商場提升咗衞生標準，所以今次抽獎可透過感應系統或觸控筆進行，確保顧客唔使摸到屏幕，夠晒安全，令人放心。

除咗抽獎，商場都推出咗抵買優惠，包括$1換購Apple同Dyson產品、1折搶購家電。黛安數過最少4個商場有1折優惠產品，部分仲有100%購物回贈，同周末星級商店消費即減$200等。公關姊妹話，今年商場準備送出最少$6,000萬消費獎賞，刺激消費之餘，都想大家開開心心。