家有兩件美容寶物

上個月，美容院關閉一個月，天氣熱加戴口罩，令皮膚既敏感又嚴重缺水，想去美容院保養下，去唔到。身體水腫需要去美容院按摩通淋巴，又去唔到！已經無三分姿色嘅我，跌到連負三分姿色都無！所以我唔使強制隔離，都自我匿埋喺屋企。

喺屋企時間多咗，摷到我之前買咗但一直未開封嘅家用美容儀器，終於拆開嚟試用，原來一路都有兩件寶物喺屋企，竟然唔記得用！嘥鬼晒！So Stupid！

講番呢部PLANiC美容儀器，係Galvanic電離子，導出功能可徹底清潔皮膚底層如化粧品或污垢物殘迹，加Plasma等離子，能量輸出面比同類產品大，只需2至3分鐘就能達至全面消毒及殺菌。因為Plasma能在細胞之間形成極細小間隙，向皮膚傳遞等離子能量，除殺菌消炎及刺激彈性蛋白纖維重生，大大提升皮膚吸水度，更能令你所搽嘅精華更容易吸收，成功保護了我因帶口罩出現的後遺症，令皮膚回復彈性及細緻。

而纖體健肌儀ThinBe則使用美容院級數的中周波，有一定的電流刺激皮膚深層，同時提供身體護理按摩作用。它備有Soft Mode︰電流令肌肉放鬆及收縮，增強彈性，能有效促進血液循環及消除水腫，紓緩緊張肌肉，改善肌肉疼痛；Hard Mode︰特設beat frequency，有效鍛練肌肉，令肌肉提升及增加綫條，10分鐘療程等於做了120下sit up。

喺屋企摷到兩件寶物，開心之餘，自信心返晒嚟，可以重新戴口罩出街啦！Yeah！

（本欄逢周四刊登）