【防疫新規】大叔拒戴口罩強闖餐廳罵侍應 被食客影低惡行即撒胡椒粉狂咳

新冠肺炎疫情在全球持續肆虐，本港加強防疫措施，限制餐飲業入座人數及餐桌距離等規例於上周六（28日）傍晚6時起實施，所有進入餐廳的人士在非進食時必須戴口罩。但一名不戴口罩的大叔不聽勸告，昨日（29日）下午強行闖入觀塘一間餐廳，大罵侍應，又突然向拍下其惡行的食客狂咳兼大撒胡椒粉，行為令人為之側目，引來網民一片罵聲。

Facebook專頁「BB也Shopping」昨日發帖，指在下午2時45分，在觀塘購物商場apm一間餐廳看到一名有戴口罩的女子與一名沒戴口罩的大叔，在門口領取籌號；侍應見狀後，要求大叔戴上口罩方可入內。

女子立即拿出一個獨立包裝口罩予大叔，惟大叔竟將口罩連膠袋遮掩面部了事，並無戴上，「佢強行入內，職員勸導請用口罩，但不聽堅持不用口罩，餐廳職員決定唔做佢生意。佢堅持話自己唔食，但對面屋企人可以食。」於是，侍應請來商場職員前來請大叔離開，

「佢話要中招，用唔用口罩都會中肺炎，難為餐廳職員，話唔會有警察上嚟拉佢。（大叔）要挾職員，如果唔畀佢落單，會打電話投訴職員……佢同保安講話，無離開香港，又冇手帶，仲問保安係咪驚佢有病。」

期間，樓主與另外一名女食客忍不住將其惡行要拍下，卻被大叔用電話反拍她們責罵「多事」，

「佢對住我同女人『咳』好多次，散播病毒。佢見我影佢相，佢就用胡椒粉散向我，拎手機影返我同另一食客相/片。」

最後，侍應與apm保安經商量後決定報警，全部食客亦一齊責罵大叔，與大叔同行的女子才「冇面要離開」，

「佢一直唔用口罩，仲要話唔驚香港市民公審佢，所以我身為香港人都要推佢上神......枱......仲要難為餐廳職員，佢離開後，餐廳立即大清潔，消毒佢坐嘅位置呀！」

一眾網民紛留言炮轟大叔缺德，「餐廳職員都係打工，而且依法啲，欺負餐廳職員，不知所謂」、「畀啲公德心好嗎？」、「佢仲惡人先告狀，聽天收啦」、「向你撒胡椒粉已經係攻擊，可以報警跟進」，「現在香港人一齊抗疫，守衞生帶口罩，香港人人有責！」

撰文：李凱晴