【抗疫新規】拒戴口罩被職員逐出快餐店 霸氣大媽發難反擊：你報警啦

新冠肺炎疫情在全球持續肆虐，早前政府實行抗疫新措施，限制食肆座位數量及餐桌距離，同時規定所有顧客在非進食時必須戴口罩，不過仍有市民拒絕遵守。前日（3月30日）有一名無戴口罩的大媽進入快餐店後被拒後，更發難爆粗，狂罵職員近1分鐘。

一名網民前日在Facebook 群組「香港突發事故報料區」發帖，指在早上約8時，在深水埗一間快餐店內遇到一名無戴口罩的大媽，有職員上前拒絕其入店內。在片段中，大媽稱自己只是一時忘記戴口罩，「費時落返去吖嘛，買廿零蚊早餐。」

隨後，有職員指無戴口罩就不能進店內，大媽立即發難反擊：

「我而家入咗嚟，你吹咩？你拖我出去囉，你報警啦！」

有職員表示會報警，惟大媽仍然霸氣表示：「閂閘啦，拉閘啦，做嚟做咩？」期間更有食客不值其所為，指罵大媽；不過大媽仍然懶理，繼續破口大罵。當有另一名食客加入戰團幫口，大媽更稱：「我唔戴口罩關佢咩事啫？」

不少網民留言批評大媽無賴野蠻，「啲人成日以為自己夠惡就贏，就可以唔使講道理」、「唔戴口罩仲咁多野講」、「識搶口罩，唔戴口罩」、「就係多得呢啲自私精，害人害己」。

撰文：潘迦晴

最新口罩供貨消息：

【不斷更新】口罩最快明日有貨 各大商戶最新供貨詳情