LCX金芝賀歲迎鼠年

農曆新年除咗去拜年，黛安知道，好多商場都有賀年活動，好似即日至2月16日，LCX就以生肖主角「子鼠」最愛嘅黃金芝士做主題，打造咗3大「打卡」位，包括「即影即Cheese！」、「金芝滿堂」及「鼠抱金芝」，畀大家影靚相。由大年初一（25日）至29日下午3時至6時，去到LCX正門「金芝滿堂」拍照區，仲可以同財神合照。

另外，YOHO MALL即日起亦有一系列「閃亮春日」活動，除咗有互動性主題展館，亦引進2大新春購物及美食市集。由即日至2月16日，商場內嘅「光緣空間」會運用光影投射拼湊出3大夢幻體驗區，展示有趣嘅燈光效果，啱晒情侶同一家大細去打卡。即日起至1月31日，The Point by SHKP會員逢周一至五在商場內消費滿800元，仲可換領50元YOHO MALL購物現金券乙張。