一店網羅 10款亞洲麵

這間新開的麵店好貪心，不單只有香港湯麵食，更滙集共10個亞洲國家的特色湯麵於一店，包括曼谷、京都、上海……有齊各大城市的麵食名物，好多元化！

餐牌上有超過15款麵食選擇，包括10款不同湯底，每款皆用上至少12小時準備兼熬製，入口濃稠鮮甜。像泰國船麵的湯底，加入牛血和泰國草藥等煲煮，佐以新鮮羅勒，湯頭啖啖濃香且有層次，令人回味。香港代表有番茄濃湯和牛湯麵，湯底用上牛骨、牛胸肉、新鮮番茄、蔬菜等配料慢煮多個小時，最後再混合自家製牛肉番茄醬增強濃度，入口有濃郁牛肉香，滲有番茄的酸甜味，味道鮮美。

打卡熊仔冰果汁

配料方面特選了高質食材，平價款如茄牛麵都用了和牛片做配菜，半熟牛肉口感軟滑，帶有油香，貴價款有蟹腳拉麵，用上日本蟹箝，一碗雖然只有3件，但勝在厚肉鮮甜，食完超滿足！

店內設有即製果汁吧，新鮮水果即叫即打，低糖配方，果汁天然清新不甜膩，柯打升級版「卡哇依冰熊特飲」，在果昔上放上一隻果味熊仔冰，可愛度爆燈，最適合打卡。

YumMee 喫麵

地址︰尖沙咀梳士巴利道18號K11 MUSEA 1樓136號舖

電話︰2344 2366

營業時間︰11am-10pm