滙豐捐5億做善事 平均9港人1人受惠

滙豐銀行向來為善不甘後人。唔知大家仲記唔記得，2015年滙豐為咗慶祝銀行在香港成立150周年，發行咗200萬張紀念鈔呢？原來當年銀行將配售紀念鈔所得嘅收益淨額4.77億元，捐咗出嚟做慈善用途，其中1億元捐咗畀公益金，支持超過40個項目；其餘善款就用以支持11個由本港慈善團體或機構營運嘅項目，例如支持特殊需要學童發展學習教材、為長者提供貼心嘅智能家居服務，及利用生態教育推廣可持續生活等等，涵蓋「青少年與教育」、「醫療衞生與健康」及「環境保護」三大主題。

前日，香港上海滙豐銀行副主席兼行政總裁王冬勝，就聯同滙豐香港區行政總裁施穎茵設宴，答謝相關慈善團體同機構嘅支持，仲聽咗大家分享每個項目嘅最新發展。據佢哋估計，計劃可以令全港每9個人就有1人受惠，非常有意義，呢個係黛安臨近過年前聽到最暖心嘅消息！