觀塘工廈Cafe $58足料龍蝦湯+田園沙律

觀塘是Café和隱世小店集中地，尤其是工廈，特色小店不勝其數，最近這裏又有新店插旗。新店主打自家製三文治及極濃龍蝦湯，數十元就可吃得飽飽呢！

新店DeFoodies由一班年輕設計師合夥經營，佔地1千呎，餐廳分兩面，一面是service office，一面是Cafe，「設計理念是希望租客能夠忙完之後，出到嚟有一個舒適的空間輕鬆下，亦藉此增加租戶之間交流。」老闆之一Peter解說，當然，餐廳也歡迎其他foodies來訪。

新店主打輕食，最特別是聯乘著名漢堡包店shake'em buns，推出一系列的法式三文治。「shake'em buns老闆親自為我們設計一系列法式三文治，每款都配搭不同配料，就算是它們粉絲都有新鮮感。」Peter說。

必飲100%果汁沙冰

三文治一律配上法式麵包，由shake'em buns同一供應商天天鮮製。招牌菜薄切燒牛柳法式三文治，用上美國牛柳製成，將煮牛柳的汁再製成燒汁，配上炒洋蔥，口感豐富，肉質鮮嫩，啖啖肉，無得輸。另一重頭戲是自家製龍蝦湯，龍蝦用上8個龍蝦頭、2公斤蝦殼熬足24小時，相當揼本，真材實料，飲落龍蝦味勁濃郁，很creamy，每日限量50杯。

小店又供應原隻豬手口味，製作需時又花心機，老闆務求令豬手完全入味，用上多款香料醃製，包括BBQ醬、黑椒、麝香草、蒜蓉、紅甜椒粉和蜜糖等，焗豬手16小時才完成，豬手切成絲，夾在法包內，肉汁豐富，外皮香脆，肉質幼滑，鹹香惹味。

歎完主菜當然要配番杯飲品解解渴。100%自家製鮮榨果汁沙冰一共有2款口味，包括藍莓士多啤梨蘋果汁沙冰及菠蘿桃番石榴果汁沙冰，用上新鮮水果鮮榨，飲落爽甜冰涼，透心涼。全場粉系Café配上舒服梳化，最適合打卡。

Defoodies

地址︰觀塘勵業街46號天輝工業大廈1樓

電話︰3679 3673

營業時間︰9am-6pm

平均消費︰$70

編輯︰余運慶

美術︰梁政敏