去首間B.Duck茶樓 飲茶食包

黃色鴨仔B.Duck以可愛造型吸引大人小朋友，最近便有全港首間以B.Duck及妹妹Buffy做主題的茶樓開業，把卡通人物跟茶樓crossover，大家可以坐低同鴨仔飲杯茶食個包，肯定好開心！

走入這間B.Duck & Buffy茶樓，到處都會見到鴨仔家族成員的蹤影，最搶眼的肯定是高高掛在窗戶天花位置的超巨型小黃鴨公仔；牆身上亦有多幅主題插畫，有B.Duck、Buffy及他們朋友們遊覽香港著名的景點，如旺角金魚街、雀仔街等，呼應茶樓所處的旺角區。

茶樓四周更以蒸籠、雀籠以及中式燈籠吊燈作裝飾，營造懷舊港式茶樓的感覺。而常見於Buffy手中的熊仔、青蛙、白兔布偶朋友們更化身成茶客，分別現身於不同角落閱讀報紙、吃包點和蒸籠點心。

奶蓋茶都可配點心

B.Duck及Buffy真的無處不在，就連食物都見到牠們趣致的造型，以點心及甜品的「曝光率」最高，招牌包點如奶黃包、叉燒包、蓮蓉壽包及馬拉糕等，都印有它們的嘜頭。

甜品首選泡泡楊枝甘露，加入了小黃鴨造型的啫喱，於芒果西米露內浮動，食客可邊食邊拍照，「呃Like」無難度。除了歎中式茶，這裏也有多款時下大熱的奶蓋茶，如白桃烏龍奶蓋茶，白桃味烏龍茶加上士多啤梨沙冰，配點心亦未嘗不可。

B.Duck & Buffy茶樓

地址︰旺角彌敦道575號1樓全層

電話︰3620 3421/6211 4010

營業時間︰周一至五10:30am-10:30pm；周六、日及公眾假期9:30am-10:30pm

撰文︰魏雋

美術︰顏玉玲