落單先諗食乜阻住其他客 港爸反爆粗鬧店員「死老竇咁樣」

服務業前線員工不時受氣，當中的辛酸非外人能道。有網民日前光顧連鎖快餐店時目擊店員受氣一幕，只見一家三口排隊落單購買食物時，擾攘多番仍未能下決定。在店員及後面其他顧客催促下，一家三口中的爸爸竟爆粗鬧店員「死老竇咁嘅樣」，更揚言要投訴，未料最終被經理一句反擊KO兼敗走。對此，不少網民在炮轟該個家庭麻煩、沒文化的同時，亦大讚經理EQ高。

事發時正值繁忙時段

樓主向Facebook群組「西客之道 Hispitality Secret」投稿，指本月1日與友人到涉事快餐店用餐時，有很多人正在排隊等落單。由於他亦從事服務業，因此明白當中苦況，「所以都唔會麻煩人地，當我排隊嘅時候就已經諗好食咩同拎定錢，唔想阻住後面嘅人，但我係咁諗，其他人唔係，由我排隊到拎嘢食短短10幾20分鐘已經見到好多BB（麻煩客人）出沒。」

一家三口擾攘多番仍未落完單

他指出，排在他前面的一家三口，落單時擾攘多番仍未完事，

港爸：要兩個牛肉鍋

店員：先生，我地有兩款火鍋都有牛肉，講問係要邊一款

港爸：咪牛肉鍋囉

店員：我地有芝士竹輪鍋同相樸鍋，兩款都有牛肉，你想要邊款

港爸：是旦啦，牛肉鍋咪牛肉鍋，我理得你有邊款

店員：咁我幫你落兩個芝士竹輪鍋，請問想要濃湯定清湯

一家三口開啟3人會議

港爸：咁麻煩架，一個濃湯一個清湯

店員：咁要烏冬粉絲飯定麵

一家三口再開會議

港爸被催促即發脾氣

後面排隊的食客開始不耐煩，出聲著叫他們「快啲」、「諗好先買啦」。當店員詢問他們要選擇甚麼飲品時，港爸竟然大發脾氣：「你問問問，問咁多問題，我要牛肉鍋你落個鍋咪得，問咩啫！」店員無奈地稱：「其實落埋飲品就可以，請問你想飲咩？」由於3人再擾攘一番仍未選好飲品，店員遂再次詢問，未料港爸隨即爆粗發難：「你好X趕時間呀，又要問又要催！」

經理一句KO港爸

此時，經理前來處理，港爸立即指著收銀職員大罵：「佢死老竇呀，X口X面咁！」經理聽罷仍有禮地勸他：「先生，不如落埋飲品先，後面好多人等緊，落埋飲品就完成。」未料，港爸竟得勢不饒人，落單後即向妻子表示：「你睇下咩態度，點做經理，成間公司個個都死老竇咁嘅樣！」

經理：先生，我同我同事嘅爸爸仲在生，我地唔知咩係死老竇咁嘅樣，唔知可以點幫你，麻煩你去後面等叫號碼

港爸：X你老X，你叫咩名，我要投訴你，我依家唔X食喇，食唔X落呀，X你個街

經理：無問題呀，退返$140畀你，仲有我姓黃嘅，多謝你嘅意見，拜拜

樓主表示，港爸最終被妻子拉走，而經理則繼續埋首工作，「EQ非常高，因為呢家人，成場嘅人都係度食花生。」

網民大讚經理EQ高

此事引來網民熱議，不少人炮轟該個家庭沒文化的同時，亦大讚經理EQ高，「呢啲人真係好無品，買個嘢食使唔使下下講晒粗口，真係面係人地畀，架係自己丟」、「個老竇和個啊媽真的冇文化，教壞細路，我係佢個仔真係瘀到暈」、「呢啲先係做經理㗎嘛」、「經理好波」。另有網民認為，大家應要互相尊重，「懂得尊重，才值得人尊重！」