婆婆日日擅取快餐店豉油唔聽勸 經理一句窩心說話成功勸退

貪心是人的天性，但如果有人因此而做錯事，旁人亦好應該給予改過的機會。馬鞍山一名婆婆，每日都會到一間快餐店擅自取走一支豉油，並且會「扮聾」不聽勸告。最後，經理以一句窩心說話成功勸退婆婆，令目擊街坊不禁大讚道：「要表揚呢啲咁好嘅員工！」

暖心經理勸婆婆：大家街坊唔想報警

該名女街坊昨日在Facebook群組「馬鞍山之友 MOSers (Since 2014)」發帖，表示事發於錦英苑一間連鎖快餐店，當日一名婆婆坐在她前面張枱，經理走上前與婆婆交談：

經理：唔好日日攞支豉油走（大大聲講， 都算好有禮貌）CCTV影到你日日攞支走，你攞返出嚟。

個婆婆扮無嘢聽唔明，跟住同空氣講話

婆婆 : 咩呀要牛油！

行去攞食物位置，話我要牛油。

經理好有禮貌，旁邊有人話報警，我叫佢攞返出嚟，之後經理得閒又行去攞住紙巾比佢

經理 : 第日唔好再攞喇🤣（遞上紙巾）大家街坊，我哋都唔想報警。

最後個客偷偷掉左支豉油落地下走左🤣

樓主大讚：要表揚呢啲咁好嘅員工

「要表揚呢啲咁好（嘅）員工！」該名女街坊續指，前線員工若得到公司、同事的支持，會工作得更開心，同時亦覺得該間快餐店的員工十分有團隊精神，「聽（見）到班職員對望單眼傾計，覺得佢哋做得好開心！畀紙巾個客關心講唔想報警，都係唔想佢繼續偷！」她又留言進一步解釋，經理起初大聲說話是想讓其他客人聽到，以免引來「恰呀婆」等誤會。

網民認為要去信表揚經理

對此，大批網民大讚經理的處理手法，又指應要去信作出表揚，「大XX嘅阿姐做得好好非常有禮貌」、「抵讚！」、「阿姐好盡責！」、「辛苦前線職員」。此外，亦有不少網民猜想婆婆每日偷走豉油，除了是貪小便宜外，會否有其他原因。有網民更笑言：「日日攞一支，食咗都高血壓！」、「每日偷一枝，一日用到一枝，我好擔心阿婆個腎呀！」