【血的提醒】放工逼港鐵斗零踭變武器 港女著涼鞋被踩腳爆血

港鐵車廂在上下班時段都會出現「逼爆」情況，就連背囊、高踭鞋等都會變成「大殺傷力武器」。一名女網民今早在Facebook群組「將軍澳」發帖，指自己上班逼港鐵期間，因著涼鞋而被一名著「斗零踭」的女乘客踩損腳，當場鮮血直流。她希望藉此提醒大眾，著涼鞋搭地鐵時要格外小心。

「其實係想提一提著涼鞋既人，喺搭地鐵時留意下身邊有冇人著斗零踭！」樓主在帖文中表示，她昨晚放工後從荔枝角搭港鐵到將軍澳，惟途經深水埗站時出事，「喺深水埗站畀隔離位國內女子，佢可能講嘢時太興奮一踩（其實係個踭插住刮住啲肉）⋯⋯我第一時間望下隻腳，見出少少血，望住佢，佢見我望住佢，另外有位乘客望住佢，佢先知我標緊血。」

{{hket:inline-image name="MTR3004201910.jpg"}}{{/hket:inline-image}}

該名女乘客得知踩到人後，立即從袋中拿出一支「消毒藥水」出來，欲噴向樓主傷口，「（佢用個透明樽裝住啲透明水）我話不用啦⋯⋯佢係要噴，我再用手擋話：不用啦！另一個乘客叫住佢唔好噴，盞噴咗仲衰⋯⋯」其後，樓主在太子轉車時，發現隻腳「濕濕地」有異，「一望，流血流到鞋又有，腳板底又有，好在遇到個女仔幫我即場用急救用品洗傷口（我估佢係醫護人員），好在雪中送碳，所以提一下大家著涼鞋要留意⋯⋯留意。」

{{hket:inline-image name="MTR300420192.jpg"}}{{/hket:inline-image}}

此事引來網民熱議，不少人表示同情，同時亦認為斗零踭「殺傷力」強勁，「畀佢用斗檸跟（斗零踭）踩中一嘢，就算正常鞋夠保護，以一個成人重量踩落嚟都痛到X街」。

此外，亦有網民認為大眾的危機意識不足，「多謝你個有血有淚分享！其實鞋都係飾品之一，有時候襯衫都真係忽略咗安全性呢一點」、「涼鞋其實不太建議去較遠地方穿著......特別香港行人路不少較狹窄，即是(使)公眾運輸工具都易人多，涼鞋保護性不足」。