榴槤厚殼少肉港女轟呃秤 店員堅拒退貨「咪當我呃你囉」

買生果從來是一門學問，如何一眼分辨出「靚生果」實在不易。近日一位女網民在果檔買下一顆約值百元的榴槤，但回家一開卻不似預期，發現果肉奇少，要求退貨卻不獲受理，怒稱以後絕不光顧。有榴槤專家為《晴報》讀者分享幾招揀榴槤心得，不開榴槤亦可知質素高低！

自知「唔識揀」 店員拒退貨稱「咪當我呃你囉」

有女網民於Facebook專頁「西環變幻時」發文，稱日前買榴槤時，由於自知不懂分辨榴槤好壞，故要求果檔店員幫忙選購。其後售貨員挑選其中一顆榴槤，惟回家後將榴槤切開始知「中伏」。

從事主照片可見，該榴槤內只得3粒果肉，事主感受騙回到果檔對質，但店員拒絕退貨表示：「你唔好彩囉，無得換㗎喇」，在雙方一即爭持不下，最後店員一句令事主氣死：「咪當我呃你囉！」

稱店員手法有問題 事主感受騙

事主憶述買榴槤經過，認為店員開榴槤手法已「好有問題」，形容：「佢開完睇咗一睇可能發現無肉，唔打咁開，開到一邊有肉先畀我睇。」事主慨歎今次只好當「買個教訓」，呼籲網民「真係要買嘅話一定要佢開晒四邊畀你睇，唔係又中伏」。

專家傳授揀靚榴槤3大法

專售貓山王榴槤的馬拉屋創辦人吳國權早前接受《晴報》訪問時透露，品嚐檳城榴槤有8大準則，包括色、香、味、甘、甜、酒香、花香、榴槤氣，選購一般榴槤時則可以依照3大手法，即使不打開榴槤亦可某程度上得知榴槤質素。馬拉屋負責人則指榴槤以質素及來源明確分級，至榴槤專賣店選購高級榴槤會有較有保障。

睇外形
觀察榴槤外形，一般呈圓身的榴槤果肉會較多。

搖一搖
拿榴槤上手搖一搖，如有聲音傳出即代表果內空間多，果肉不夠飽滿。

睇重量
秤一秤並與其他體積相近的榴槤作比較，成熟的榴槤會收水較為輕身。 

{{hket:inline-image name="230.jpg"}}{{/hket:inline-image}}