【怪獸家長】5歲仔月台當眾隨地便溺 港媽懶清理見有車即閃

小孩出街嚷著去廁所確令不少家長感苦惱，惟父母有責任悉心教導和處理。近期2位網民不約而同在網上分享遇到不負責任父母的經歷，其中一位港媽竟讓兒子在港鐵月台隨處便溺，眼見尿液滿地，卻在未有清理下「拖住個仔衝入車」逃去。

兒子隨處便溺 港媽見車速逃

一位網民早前向Facebook專頁「生仔要考牌系列」投稿，指在港鐵站月台遇到一位不負責任的港媽，其目測約5歲的兒子，疑因便急難忍在月台「瀨咗」，當時事主以為「個老母一直蹲喺度，感覺好似將會處理咁」。然而，當列車埋站時該港媽竟然

「極速彈起身，拖住個仔衝入車，再向前幾卡車狗衝，走得快好世界嗰隻。」

他指其實每個車站都有職員洗手間，「真係急起上嚟可以搵職員幫手借個廁所」。他又認為身教非常重要，不慎將地方弄污可向職員求助，只需說聲不好意思，讓職員代為清理，甚或自己主動抹乾淨；相反，其不負責任的做法，或會成為子女的壞榜樣，「呢個小朋友大個咗應該只會逃避責任、推卸責任、沒有承擔」。

事件實在匪夷所思，港媽的行為令網民感驚訝，有人留言形容：「放狗都會清⋯⋯生個仔唔執」、「小朋友有時唔記得去廁所，媽媽有責任提佢去多啲廁所」。

兒子睇煙花瀨尿 港媽：細路仔係咁

另一位網民亦投稿分享，指早前到迪士尼樂園時，大批遊客坐在地上等候看煙花，期間一對情侶突然站起大聲問道：「點解濕既？」附近坐在櫈上的母親則回應：「細路仔忍唔到就要痾㗎啦，又差唔多開始，唔通我咃走開咩？」

該港媽語出驚人，在場人士均出言斥責，惟港媽卻不以為然：「細路仔係咁。」然後倒水在地上，再說：「宜家咪沖走晒囉。」事主指當時一位中年大叔聞言即直斥其非：「細路仔本身唔係咁，係因為冇家教先係變成咁，宜家唔係沖唔沖走嘅問題，而係佢當街去廁所，仲有個覺得冇錯嘅阿媽先係問題。」最後該港媽無言以對。