膠布加滴藥油就可以好瞓啲？強嫂教你點樣解失眠

大家好啊，又係我強嫂時間！大家最近夜晚瞓得好唔好啊？哎，我呢啲人到中年總係有幾日瞓得差少少，瞓得差真係好影響我第二日打理家務嘅心情㗎！話說早幾日，我上網見到有個中國軍醫話如果想瞓得好啲，試下喺膠布上面加幾滴藥油，再貼喺腳板底上面就可以幫助入睡。呢個方法我真係第一次聽，搞到我都心思思，好想知！

平時啲膠布最多就係受傷消毒後用嚟做個保護，我呢個活咗XX年嘅靚媽都從未聽過呢個方法！呢個軍醫又好似講到好神奇，雖然我就未試過，但我都決定要問下我老友，林醫師嘅睇法！

林醫師話佢行走呢個中醫界江湖咁多年，從來未聽過將膠布加幾滴藥油黐喺腳板底上，可以幫助入睡。佢估計，應該因為加咗藥油，而嗰藥油有行氣活血嘅功效，所以對入睡有幫助啦！

嗱，唔好話我下下都要認叻啦！真係凡事都要求真㗎！呢個方法Work 唔Work呢，就見仁見智啦！有我強嫂喺度，就梗係請教啲專家幫手醒我幾招啦︰

1.藥材浸腳法
材料︰荊芥、薄荷、夜交藤、半楓荷、防風、冰片 (各15克)
做法︰好簡單！用個煲湯袋入起晒所有材料，煲約20分鐘之後用嚟浸腳，幫助入睡。
小貼士︰林醫師話可以加個哥爾夫球落去，一路浸腳一路刺激個穴位

2.飲碗靚茶
新加甘麥大棗茶
材料︰浮小麥 5錢、南棗 3枚 （剪碎）、麥冬 2錢、大甘草 2片、熟棗仁 3錢
做法︰將啲材料加落茶包袋，用熱水焗30分鐘

伸延閱讀︰鼻鼾救星係杞子？

精選健康知識，盡在 Healthy Life 健康男女
https://fb.com/HealthyLifeExpress/