康泰全新背包遊 深度探索摩洛哥

旅行可以話係香港人嘅最愛之一，但除咗日、韓、台之外，大家又有無諗過要「跳出框框」呢？黛安知道，康泰今年以「Travel Beyond Ordinary跳出框框體驗世界」為主題，同背包旅遊達人梁彥宗合作設計背遊團，帶各位後生仔遊覽摩洛哥，係時候跳出大路旅遊熱點，去摩洛哥探索下喇！

黛安知道，康泰今次聯乘梁彥宗背遊摩洛哥，主要係針對一群着重體驗嘅後生仔，希望啟發大家以另類背遊方式認識世界。而呢個12日深度探索行程當中，將由艾西拉小鎮作起點，一步步同你探究摩洛哥、撒哈拉沙漠等充滿神秘感嘅地方。行程仲全部由梁彥宗親自策劃，沿住旅遊節目路綫，唔止帶你睇風景，更會落地體驗當地特色，絕對令你大開眼界！咁吸引，黛安都要約埋成班姊妹，一齊衝出亞洲先得！