轉講David餐？快餐店員以Dog餐來確認 食客大罵投訴：你叫人食狗餐？

英文字母「B」、「D」發音相近，為免混淆，不少人都會以「Boy」及「Dog」來分辨。不過，有快餐店店員問清楚客人想要「Boy餐」還是「Dog餐」時，竟被對方責罵「係咪叫人地食狗糧啊」及向經理投訴。最後，快餐店職員只好向客人道歉，並決定以後要轉成講「David餐」，以免再被人投訴。

店員被客人責難兼投訴

Facebook專頁「西客之道 HIspitality Secret」日前貼出一篇投稿，內容為一名快餐店店員的無奈經歷。該名店員表示，每當有客人話要B或D餐時，都會怕落錯單，「我聽唔清究竟係B定D嗰時，我都會問番究竟係Dog餐定Boy餐，啲客都不嬲冇問題，直接答番我係要邊個餐。」

但有一天，他如常向客人確認到底是B或D餐時，竟被對方責難兼投訴：

BB（客人代稱）：一個D餐飲xxx
我：請問係咪要個Dog餐飲xxx？
依個時候西客BB就黎料啦……
BB：你好啦喎你！我留意咗你好耐架啦！次次人地話要D餐你都係話要Dog餐！依家咩意思呀你？！係咪叫人哋食狗糧啊？！你係咪好開心？？？

店員：以後轉講David餐

該名店員聽到後頓時「黑人問號咗一秒」，隨後便解釋因為D同B發音相近，自己只是想確認清楚。未料，對方竟大罵道：「仲出聲？？？仲駁嘴？？？你依家叫人食狗餐啊！！！同我叫你經理出黎！！！」此時，經理聽到爭吵聲音，遂上前處理此事，「最後係由我向BB倒歉+以後要轉成講David餐/熱香餅餐作結」。最後，他諷刺道：「如果Dog餐姐係狗糧餐，咁我問個客係咪要David餐嘅話，會唔會俾人話我叫人食人肉？」

{{hket:inline-image name="food130320191.jpg"}}{{/hket:inline-image}}

網民：雙方明就得啦

對此，大批網民留言稱替事主無奈，「通常自已叫野食都會話boy餐或者dog餐，雙方明就得啦」、「佢應該試吓去茶餐廳咁講，到時dog餐變d*u餐」、「你講DAVID我一定黑人問號你」、「Boy餐Dog餐唔係大家都識嫁喇咩」、「玻璃心到咁」、「冇嘢搵嘢黎鬧」、「點解覺得dog唔好，明明狗很可愛」。

有網民認為要保持專業

同時，亦有不少網民搞笑地提出各種建議，「Disgusting餐、Damn餐、Dildo餐、Death餐，小姐要邊樣？」、「問佢係咪要丁餐囉！C朗都叫丙朗喇！」、「用電訊字母啦」。不過，亦有從事服務業的網民，認為應要保持專業，「講真一句，其實又應該避忌下嘅」、「其實我地都有話，如果個客坐36D，唔好叫36Dog，因為真係有人會因為呢個字而著，所以pro少少，叫delta」。