【Lunch Time】含住啖飯湊客反被投訴 打工仔大呻「食飯都係錯」

打工仔忙了一個朝早，好不容易捱到午休時間，都會趁機休息一會。但近日有接待處職員抱怨，指自己早前午休時曾忙到含着一口飯處理客人問題，未料反被對方投訴食相難看、一邊食飯一邊工作不專業，令她深感無奈及憤怒。

在某公司接待處工作的網民「多啦美」向Facebook專頁「西客之道 HIspitality Secret」投稿，指自己平日一般在午休時間，都會留在座位用膳、休息，「所以一到午休我都會mute左個電話（其實都會見到個電話狂閃），講真食飯你俾人抖下啦」。有一天，一名客人在午休時間撳鐘，「唉，呢啲都無得唔開。補充：我當時係食緊飯，含住啖飯都照開門照跟」。

未料過了一星期後，多啦美的部門主管收到一個電郵投訴，內容大概是「你哋前枱同事嘅食相非常之難睇，一邊食飯一邊做嘢好唔專業」，「Dept head話俾我睇吓笑吓，亦都幫我解釋咗係食飯時間我無錯。我心諗你俾人話你樣衰你笑唔笑得出？」多啦美最後在文末「情緒大爆發」，抱怨道：「呢條友係咪痴X線㗎？午飯時間我大條道理唔做公司嘢，幫你跟仲投訴我，仲話我食相難睇？最神奇係當時佢嘅表現係無異樣，只係好無禮貌老X奉咁……而家我係咪可以去你公司投訴你影響市容呀！……真係躺着也中槍，地底級小薯食飯都係錯！」

此事引來網民熱議，不少人對樓主的經歷表示同情，「啲人真奇怪！人地食緊飯都幫你做，係咪應該覺得唔好意思，甚至感恩呢？」、「其實投稿嘅樓主係可以扮晒嘢唔開門比個客囉！佢阻住人哋私人休息時間仲好意思侮辱人哋！」、「將心比己你自己食飯個客叫你即刻返公司覆佢，你又會唔會呀」、「好多人都好鍾意少少嘢就投訴」、「下次棟個牌喺門口，午飯時間，不作招待，話之佢撳爆鐘」。不過，亦有網民認為樓主是「揀錯位食飯」，「選擇得唔出街食飯，又要留喺接待處，就已經代表緊一間公司的第一印象」。