眨吓眼原來張繼聰與謝安琪已經結婚12年，昨晚他們去到海景餐廳慶祝，當中做老婆的謝安琪花了不少心思打扮，以黑色低胸長裙性感上陣，明顯隆重其事；而張繼聰亦非常識做地用英文sweet爆示愛：「成功嘅婚姻需要跟同一個人不斷墜入愛河」。相愛多年二人好努力保持拍拖的感覺，令感情歷久常新、恩愛如昔，被人譽為「模範夫婦」。回想過去，其實他們經歷過不少風雨，由第三者風波、未婚懷孕爭議、背夫偷食傳聞，去到被嘲廢柴老公傳婚變等等，二人受盡批評，一度讀齊患上抑鬱症。 如今跨過重重難關，張繼聰、謝安琪情如鋼鐵，更加珍惜對方。
拍拖結婚生仔受盡批評 情緒開始不穩
張繼聰與謝安琪是恩主教書院師姊弟關係，踏足社會他們都選擇加入樂壇做歌手，形影不離。2006年11月，謝安琪突然公開宣佈懷有3個月身孕惹來很大爭議，網民抨擊她身為基督徒卻未婚懷孕是玷污信仰的行為，又直斥她講一套做一套，瞬間成為網絡焦點。後來謝安琪與張繼聰於2007年註冊結婚，並於同年6月誕下兒子張瞻，終於坦白自己在信仰上及作為年輕人偶像的確犯了錯，不但公開道歉，又找牧師懺悔，最後平息事件。
不過一波未平一波又起，謝安琪先後捲入第三者風波與偷食傳聞，有傳媒質疑謝安琪拆散張繼聰與梁嘉琪的元兇，幸好張繼聰馬上走出來保護老婆，澄清與梁嘉琪已分手五年，與謝安琪毫無關係：「我再澄清一次太太唔係第三者，我同梁嘉琪之後幾年，中間都拍咗幾次拖」。之後謝安琪再與人夫陳奕迅傳出緋聞，負面留言滿天飛，老公張繼聰再次走出來霸氣護妻否認傳聞：「如果你同另一半關係好好，自然唔會有空間容納到其他人。」儘管表面上沒事，但事實上張繼聰壓力很大：「每次我一家人出街，門口就有狗仔隊跟，每次影完之後，我就知又會有唔好嘅報道出現，真係寫得好Mean。」
女尊男卑被笑食軟飯 終崩潰患抑鬱想死
經過種種難關，謝安琪憑「年度之歌」《囍帖街》火速爆紅，帶摯她出道僅3年即成為樂壇天后，橫掃當年樂壇頒獎禮的主要獎項，及後又推出多首冠軍歌如《雞蛋與羔羊》持續走紅。那段時間謝安琪事業衝上高峰，先獲選香港十大傑青，再以4千幾票獲封高登女神。至於張繼聰事業成就因為跟老婆有莫大差距，女尊男卑，故慘被網民嘲笑為「廢柴老公」、「軟飯王」，應該跟老婆姓謝，他形容感覺如被迫到死路。
二人成為網民日夜討論對象，結果壓力爆煲同時患上抑鬱症，不過張聰繼堅持出席叱咤頒獎禮撐老婆謝安琪贏女歌手銀獎，精神徹底崩潰，搞到身體差點負荷不到：「每次行過報紙檔都好驚，心諗會唔會封面又係我，會唔會又見到自己。最嚴重每次聽到我老婆唱歌都會好頭痛，呢段時間我完全唔會開收音機，好驚聽到佢把聲，後來連其他人把聲我都驚。記得頒獎禮朝早，我出發前好緊張，要食定藥先去到。當晚睇到老婆好好成績，台下攝影機就拍住我，當時內心好矛盾好複雜，擔心聽日肯定又俾人寫我好渣冇獎......」，作為男人，張繼聰所承受的壓力特別大，最終二人一度屢傳婚變。
去到有一晚，張繼聰甚至想死，通知家人朋友要替他照顧好家庭：「究竟我係乜嘢呢？我係咪真係好多人眼中嘅一條廢柴？我係咪一個一事無成嘅人呢？我係咪一個只靠太太嘅人呢？我咁努力都改變唔到人哋對我睇法，我覺得好氣餒，好攰啦！於是我有一個念頭，想了結自己生命，當時我打咗個訊息畀一位我最好朋友，同佢講我走咗之後，希望佢可以Take Care我屋企人，然後我做咗所有步驟...」幸而張繼聰懸崖勒馬，想起老婆，沒有真的下手。
(TVB電視截圖)
夫婦攜手跨越難關 張繼聰爆紅成人生贏家
做男人被人嘲笑食軟飯，心裡一定很難受，可是張繼聰面對閒言閒語沒有向謝安琪發洩，反而繼續為老婆支持打氣，又加入TVB努力演出。直至2015年，張繼聰在《收規華》一劇首次擔正做男主角，即入圍視帝三強。笑足幾年，張繼聰一劇接一劇，成功靠TVB上位做一線小生，由拍節目劇集到現在代言電影都有份，謝安琪都減產等他養，終於搣甩「廢柴老公」之名。兩公婆經歷風風雨雨，由負面新聞人物變成恩愛夫婦，keep住恩愛，變紅的張繼聰沒有自大，依然做返廿四孝老公，除咗犧牲休息時間堅持每日陪老婆shopping，又於網上反擊針對她的網民，視佢她掌上明珠一樣，羨慕死人。當別人問及他寵妻之道，他就好man地分享「老婆永遠是對」的之道，完全是好男人典範：「如果有一邊永遠覺得自己錯晒，就邊會有磨擦先，做老公得一個道理，是否自己做錯都要第一時間道歉，愈快講件事愈快過去。」 咁識做，難怪如今事業、家庭兼得，張繼聰可謂「人生大贏家」！