要數香港正宗經典的意國菜館，位於帝苑酒店的Sabatini意大利餐廳一定榜上有名。名店屹立尖東26年，早前新聘得經驗豐富的米芝蓮星級主廚Chef Claudio Favero，為大家帶來別具風格的清新意大利佳餚。
新上任的意籍主廚Chef Claudio Favero只有30來歲，但經驗相當豐富。早於14歲入讀著名的烹飪學校時，他已於米芝蓮一星及兩星餐廳受訓，後來先後師承意大利名廚Don Alfonso，及西班牙名廚Santi Santamaria。他曾在意大利、西班牙及澳門的米芝蓮餐廳任副總廚及主廚，亦曾在羅馬五星級酒店任行政總廚。Chef Claudio說︰「我嘅技巧喺學校度學，但我對烹飪嘅passion，係嚟自我媽媽同婆婆。」
特色：Simple、Clean、Tasty
這次Chef Claudio為餐廳帶來約10道新菜式。Sabatini是傳統意菜名店，雖然「新官上任」，他坦言會保留餐廳的風味︰「呢間係好經典嘅意式餐廳，嚟嘅客人都係鍾意呢一點。我會保持傳統，同時加上我嘅特色︰simple、clean同tasty。」他來自意大利北部Treviso，當地出名傳統意大利飯及意粉，但他認為家鄉口味太heavy，自己在烹調時會偏向少用一點當地愛用的忌廉及牛油。如最近時令的意式牛肝菌意大利飯，他下手會比一般意廚較輕，carnaroli米飯口感細緻綿密，忌廉及牛肝菌雖然濃郁，但吃畢不會感到油膩，反而愈吃愈香。另一道意式鴨肉醬闊麵，不似一般肉醬麵滯膩，用鴨肝去煮汁帶出鴨肉香味，口味清新。他亦刻意為不少經典菜式，如澳洲羊排轉換時令意大利配菜，在保留傳統味道之餘添加活潑顏色，同時為某些菜式換上新伴碟，呈現light的感覺。
「香港人好識食，佢哋好識得意大利菜，好有要求。」Chef Claudio笑說。「我覺得Sabatini係一個好relaxing同warm嘅地方，雖然對我嚟講有啲old fashion，但香港人好鍾意。我都希望盡力滿足到客人。」實力滿分的米芝蓮星級主廚，加上滿腔誠意，已值得來一趟尋味意大利之旅。
Sabatini意大利餐廳
地址︰尖沙咀麼地道69號帝苑酒店3樓
電話︰2733 2000
營業時間︰星期一至五，12nn-2:30pm及6pm-11pm；星期六至日，11:30am-2:30pm、3:15pm-5:30pm及6:15pm-11pm
撰文︰王寶欣
攝影︰林良明
編輯︰余運慶
美術︰招潤洪