西環異國風 $80嘗中東雞肉串

西環堅尼地城久不久就有新食肆登場，好似最近就有一間家庭式埃及小館進駐，叫Aziza。地方不大，只有約20個座位，焦點都落在兩幅巨型壁畫上，一邊是獅身人面像，另一邊是金字塔和尼羅河風光，設計簡潔得來很貼題，頗有特色。

老闆兼大廚Chef Mohsen是土生土長埃及人，出身自飲食世家，家族幾代都是廚師，他年輕時於埃及駐英國大使館任大廚，曾為查理斯王子下廚。Chef Mohsen重視家庭，來港做廚十多年，心願就是與太太和4個仔女一齊打理小餐館，將地道的埃及家庭菜宣揚開去。

老闆曾為查理斯下廚

埃及菜吃甚麼？不少得作為前菜的豆泥，大廚堅持所有豆都是埃及貨，做出百分百當地口味，如鷹嘴豆、雞心豆、豌豆等，煮熟後加入自家調味料和優質橄欖油打成蓉，配自家製的中東彼得包吃，光是吃豆泥已半飽！肉類方面，除了豬肉外，雞、牛、羊、魚都有齊，以燒烤為主，羊肉不會太羶，因為用多種調味料來醃製。最窩心是用餐完畢，每位顧客都會獲送一杯香濃薄荷茶，Refresh一下味蕾。

AZIZA EGYPTIAN AND MEDITERRANEAN CUISINE

地址︰西環堅尼地城厚和街28號順昌大廈地舖

電話︰3462 2844

營業時間︰星期二至日，12nn-3pm、6pm-10pm

平均消費︰$100

編輯︰余運慶

設計︰招潤洪