旺角花花世界 歎醒胃蟹肉爪哇麵

旺角波鞋街新地標The FOREST最近成為區內焦點，除了多家運動品牌旗艦店，商場內更有幾間有質素食店進駐，「青花」是其一。小店主打東南亞美食，全店「綠化」工程很誇張，鋪天蓋地都是花草樹木呢！

走進店內，天花板中央垂下大堆頭花花吊飾，配襯漸變藍牆身、碗碟，七彩繽紛得來不失清新氣息。「旺角最多後生仔，偏偏欠缺可以hea、可以舒服吃飯、可以追女仔的餐廳。」老闆Bong和Jason說。

既然針對年輕人，食物亦走親民、大包圍路綫，餐牌60多款選擇，以泰菜為主，亦不乏新加坡式撈起、馬來西亞Style的Rojak沙律、爪哇麵等。老闆們以往開設歐陸餐廳Atum，最擅長玩創新和融合，今次做東南亞菜亦結合西式元素，當中有不少創意和細心位。菠蘿炒飯，菠蘿切件燒至焦香，果肉可大啖食，伴飯的腰果以豬皮代之，更甘香脆口；泰式紅咖喱，加入荔枝肉和青提子煮，帶有甜甜果香；黃咖喱加蛋花煮，青咖喱保持傳統，每款都吃出個性。

8成材料由泰國入口

老闆們開店前曾到過吉隆坡、馬六甲、曼谷等考察試食，當地的Fusion潮流、傳統口味統統了解，再自家研究食譜，菜式口味不像「九龍城Style」泰菜般濃辣，卻不失傳統精髓。店中8成材料如醬油、魚露、椰漿、椰糖都從泰國入口；烹調又會按新鮮材料的變數作出調節，複雜的醬料則自製，比現成的更鮮香天然。

青花

地址︰旺角奶路臣街17號The Forest 1樓107-108號舖

電話︰3468 2558

營業時間︰12nn-10:30pm

平均消費︰$200

編輯︰余運慶

設計︰招潤洪