觀塘工廈新食力 「理髮廳」歎新西蘭羊架

兩個由細玩到大、同在屋邨成長的死黨Joe同Samuel，為追尋快樂，與拍檔在觀塘工廈開了一間叫「高興Happinesssss」的Cafe，室內更裝修成懷舊理髮廳般，主打靚料西餐及日本菜。

新店兩位店主都熱衷懷舊事物，幾年前各自開設一間懷舊風冰室，現在想試走年輕化懷舊Cafe路綫，將搜羅多年的本土懷舊家品放置其中。場內一隅特別打造成60年代的理髮廳，另一邊則還原昔日公屋的設計，裝置鐵框、百葉窗、屋邨委員會牌匾，好特別。場中央有個舞台，由他們發掘有唱作才華的年輕人表演，希望在座每位客人能抽離急促的步伐，享受高興的時刻。

食物都是普羅大眾的Comfort food，有西有日，有日式咖喱飯、烏冬鍋、沙律、Pasta、All day breakfast、扒類、法式多士及雪糕甜品。由入行30多年的資深廚師設計餐單，他早年做過酒店會所，慣了所有細節如醬汁統統自家製，不走捷徑用現成貨。

自家製醬汁夠誠意

即使食物定價大眾化，也堅持用昔日酒店御用的供應商，交有質素的食材，如美國Prime級安格斯西冷扒、大蝦Pasta用酒家級數的大大隻越南蝦、雞肉沙律棄用嚡口雞胸，改用較滑的雞扒；連配菜薯條蔬菜也有要求。每碟大大份，適合跟友好分享。

意粉平均六、七十元，美國安格斯牛扒百多元就食到，飲品又大大杯，夠貼地，客人應該會如店名一樣，高興。

高興Happinesssss

地址︰觀塘成業街19-23號成業工業大廈地下2號舖

電話︰2650 0028

營業時間︰11:30am-10pm

平均消費︰$100

編輯︰余運慶

設計︰Ｋ