上環可謂商業與文化氣息並重，既有優質餐廳，又可到區內的文娛中心欣賞豐富節目。明天元宵佳節，一於帶大家先歎杯養生飲品提提神，再食地道車仔麵。想選擇輕食？荷李活道與德輔道中就有素食與正宗的意式咖啡店，讓你與愛侶溫馨度過元宵節。
1. $44花旗蔘石斛百香果茶（CheckCheckCin）
「世界變啦！」無論科技、事物或人，都隨着社會進步而改變，甚至中醫世界也變天。筆者從前以為醫師必定滿頭白髮，狀甚嚴肅為病人把脈；但來到上環的「CheckCheckCin」，見到創辦人兼女中醫師Cinci，必定改變對醫師的舊有觀感。
介紹Cinci前先講講這店，這裏賣的產品非常獨特--養生飲品，由駐店調酒師Shadow，再加Cinci的專業，調製出健康又美味的飲品。Cinci是專業中醫師，曾推出有關養生的著作，她認為「防患於未然」最重要，而開這間新式飲品店的原因，亦與個人經歷有關，她說︰「我好鍾意飲珍珠奶茶，飲到上晒癮，但都知好唔健康。作為一個中醫師，引發我去諗，點可以做一啲好飲但又健康嘅產品，一步步改變大眾嘅生活習慣。有次我同丈夫去到一間酒吧，試過一杯Mocktail，就忽發奇想，不如將mocktail嘅概念引進養生角度，感覺好有型，年輕一輩更易接受。」不知道大家有無相同經歷？中醫師會吩咐不要飲凍品，冬天喝熱飲當然無問題，但一到夏天，「Mission Impossible！」但Cinci就非常貼地，推出冰搖米水，製作過程加冰，搖幾搖就會溶，買完行出門口，已經變了「暖飲」。
元宵佳節，先試顏色夠浪漫的「火龍果玫瑰茶」，將新鮮火龍果肉混合玫瑰，味道酸甜，喉嚨舒服「夠正氣」。另外，新推出的「花旗蔘石斛百香果茶」，花旗蔘帶點回甘，百香果果甜增加清新感覺，可紓緩胃部不適，新年食滯了，飲一杯「舒服晒」。
CheckCheckCin
地址：上環蘇杭街4-6號啓豐大廈地下
電話：2833 5518
營業時間：星期一至五，11am-7pm、星期六，11am-5pm，星期日及公眾假期休息
2. $48腰果撻（OHM Vegan Lab）
離開地上天堂，吃過平民餐，走進悠閒之境，「OHM Vegan Lab」由幾位80、90後素食主義者帶頭，他們理念一致，希望推廣公平貿易咖啡與素食人生。店主們會親赴清邁，如地氈般式搜羅「咖啡花」茶，又往雲南茶葉產區挑選優質茶葉，去各農場了解食材的來源。
店主阿珊說︰「我哋想客人認真感受食物飲品的原味，食得好、飲得好，改變不良的生活習慣。希望大家懂得欣賞生活美好嘅一面，建立樂觀積極嘅生活態度。」店內的「腰果撻」全用天然的有機素材，簡單清新，帶來點點香甜，加杯店內的Ice Drip Coffee，After taste特強，兩者衝擊味蕾的感覺更強，誰說素食只清淡？用心做，用心安排，亦可變得不一樣。
OHM Vegan Lab
地址：上環荷李活道192號地下
電話：6352 0553
營業時間：星期一至日，12nn-12pm
3. $50車仔麵套餐（90后車仔面&糖水）
正所謂「上有天堂，下有蘇杭」，香港都有條蘇杭街，街上更有港人喜愛的車仔麵，可謂是由凡間而來的天堂美食。
這間小店名字叫「90后車仔面&糖水」，非常直接，一看名字就知吃甚麼。員工們都稱老闆娘阿Yan為皇后，外號霸氣，但其實她很Nice，毫無架子，當年更因為熱愛車仔麵，離開較為舒適的文職工作，走出來創業，更改名為「90后」，聘請90後員工，讓小店充滿年輕、活力的感覺。
不過現實始終同理想有出入，正正因為90後的員工，令這位皇后創業之路更頭痛。她說︰「其實當時諗住有班90後同事，會更有活力，但點知員工嘅工作態度真係個個唔同，期間都有失望過。依家請人都驚驚哋，不過我都有個90後同事，真係任勞任怨，簡直奇葩，所以我都好欣賞佢。」
雖然人事問題複雜，但亦無損食物素質，當然亮點在「車仔麵」，花多眼亂的餸菜，夠地道感覺，阿Yan推介冬菇、秘製雞翼、豬手，三款都受歡迎，尤其冬菇質地厚實，炆得非常入味。
90后車仔面&糖水
地址：上環蘇杭街97號地下
電話：2983 0266
營業時間：星期一至六，11am-9pm，星期日休息
4. $50 Cold Brew Infusion（Caffe Diemme）
元宵佳節的下午茶時分，想吃點輕食，歎杯靚啡？上環同樣精采。「Caffe Diemme」以意式咖啡為主打，這店源自距離威尼斯一小時車程的Padova，由Dubbini家族經營三代，今年剛好90年。店舖不算太多，反而咖啡豆卻行銷全球。
品牌的咖啡大師會親身前往豆場揀豆、檢驗質素，其中一款豆Naturalmente Dolce於2016年在意國最權威的「國際咖啡品嘗師協會」（IIAC）得到「最佳意大利濃縮咖啡」金獎，在意大利這個咖啡王國稱王，「識飲一定要飲」。店內所用的咖啡豆由總店空運而來，有拼配及單品，空運成本不菲，都是為了保持豆子的新鮮度。
咖啡再不是獨沽一味，香港店是繼杜拜及以色列後的分店，既供應傳統的意國咖啡，亦有一系列的創意「靚啡」，如Cold Brew Infusion，在滴漏壺裏，混入水果與薑之味，感覺如薑啤一般，清新醒神。
Caffe Diemme
地址：上環德輔道中308-320號富衛金融中心地下
電話：2115 9887
營業時間：星期一至六，7:30am-10pm、星期日及公眾假期，9am-9pm
撰文︰唐蔚霖
攝影（部分）︰林良明
插畫︰何樂
編輯︰余運慶
設計︰大雄