大埔早已成為覓食新蒲點，中、西、日、韓……美食任君選擇。筆者先帶大家試吃台式與意式混合的Fusion Pizza店，然後再嘗新式羊西冷，未夠喉？來一客清新甜品，又或以港式格仔餅小食作結，必定讓你戀在大埔這片飲食樂土。
【第1站】$85美麗海島薄餅「Tino's Pizza Cafe」
「Tino's Pizza Cafe」這個品牌來自台灣，將台灣食材混合意大利薄餅的做法，自成一格。後來經香港人老闆引進本地，為大家帶來這款Fusion美食。店舖負責人說：「老闆住響大埔，想為街坊帶嚟飲食新驚喜，加上熱愛台灣慢活文化，所以希望透過食物與休閒嘅環境，令大家感受到當中慢活嘅氛圍。」
店內供應的薄餅底分別有「拿坡里」、「羅馬比薩」與「佛卡夏」三款，全都即叫即製，麵糰由台灣直送，更以人手搓製，保持薄餅底新鮮香脆，特別是「美麗海島」，曾在台灣的Caputo薄餅大賽中獲獎，餡料有台灣特產的烏魚子、飛魚卵、龍蝦卵醬、櫻花蝦等，帶着濃濃的鹹香味，衝擊一向薄餅的味道。面層有高麗菜及適量的蔬菜瓜果，將油膩感降低，吃完也不覺Heavy。
薄餅只得一種食法？少年，你太年輕了。「Honey Pearl」餅底焗成星星形狀，餡料有自家製的奶茶慕絲，再加上煙韌的珍珠及新鮮生果，可謂將珍珠奶茶玩得出神入化，猶如在「吃」珍珠奶茶呢！
Tino's Pizza Cafe
地址：大埔安慈路2號八號花園地下20號舖
電話：2666 9840
營業時間：星期一至日，9:30am-11:30pm
【第2站】$78板燒羊西冷「Pattern」
「Pattern」由一對小情侶Jason與BoBo經營，二人希望店內煮出來的味道，會帶給客人們一種熟悉的感覺。
一年多前，兩口子找到大埔的舖位。BoBo說︰「我自細希望做老闆，媽媽都想我可以開間茶餐廳，不過實在太困難，得兩個人，無咁多資源，所以最後開咗呢間西餐廳。後來至發現原來一啲都唔容易。開始時遇到好多挫折，仲成日同Jason嗌交，不過經過咗呢半年後，要鬧都鬧晒，依家好似昇華到另一階段。」
Jason說：「起初我哋無經驗，總係被大廚牽住鼻子走，惟有自己一直在旁偷師，夜晚更會自己試做唔同菜式；半年後，我哋最終同大廚分咗手，重新出發，慢慢建立口碑，發現只要有『心』，根本無做唔到嘅事。」
夢想之路有起有跌，是正常不過的事，兩口子笑言「洗濕咗個頭」，惟有堅持。現時Jason負責食物，而BoBo主力製作飲品，各有分工，做出自己喜愛的味道。特別是「板燒羊西冷」，將「羊肉」披上新衣，改變大眾的餐飲思路，但當中亦有一種熟悉的味道，值得一試。
Pattern
地址：大埔太和路15號太和中心13號地舖
電話：2638 1220
營業時間：星期一至五，12nn-4pm，5:30pm-10pm、星期六、日及公眾假期，11:30am-4:30pm，5:30pm-10pm
【第3站】$42荔枝奶凍沙巴翁「H.C Dessert」
甜品，吃一口、甜在心，更讓人無限聯想，想像煮理人定必甜美可人兒。所以，男生與甜品總有點「大纜都扯唔埋」的感覺。來到大埔一個靜靜的角落，兩個男生卻以巧手，做出多款別具心思的甜點。阿超與阿豪，老友鬼鬼拍檔開店，二人表示一直不愛受拘束，加上有飲食業經驗，認為甜品相對較易上手，所以嘗試創業。阿豪笑言：「我哋都唔係大埔友，確實唔熟呢區，佢（阿超）仲講笑，話大埔會唔會有牛四圍行呢！」
男孩子總是愛開玩笑，但二人在廚房忙碌時，樣子即變得很認真，對着手中的甜品，猶如照料孩子般。筆者推介「荔枝奶凍沙巴翁」，「沙巴翁」為意大利甜品，加上少許冧酒與適量的糖，再混合不同的新鮮水果，上桌前輕輕一燒，感覺截然不同。面層的荔枝奶凍，更是自家製造，每日限量發售。
做甜品，亦可悟出人生。阿超說：「開咗舖先知道原來咁辛苦，幾困身，以前唔想畀人管，依家畀間舖限制咗自己。不過依家開始咗，我都會堅持落去，但租約完咗後，我可能會揹起個背包出去流浪，睇下呢個世界。」坐在身旁的阿豪，笑而不語。筆者問阿豪會否擔心被拍檔撇下？他笑着回答︰「哈哈，無得擔心啦！佢唔做，我咪自己搵其他嘢搞囉，無所謂啦！咁做呢度係辛苦嘅，搵到自己想做嘅野，都替佢開心！」
H.C Dessert
地址：大埔翠樂街11號美豐花園地下10號舖
電話：6058 5652
營業時間：星期一至四，3pm-11:30pm、星期五至日，3pm-12:30am
【第4站】$20金沙朱古力格仔餅「雞蛋仔の專門店」
位於昌運中心的雞蛋仔の專門店，店舖雖小，但愛吃的大埔友必定知窿路。小店近年推出自家製新口味金沙朱古力格仔餅，不少媒體均有介紹，吸引來自不同地區的客人，慕名而來。
雞蛋仔の專門店
地址：大埔安慈路4號昌運中心地下
電話：從缺
營業時間：星期一至日，11am-10pm
撰文：唐蔚霖
攝影：林良明、唐蔚霖
插畫：何樂
編輯：余運慶
設計：梁政敏