Burrata cheese

這數天天氣涼快了不少，早一段時間天氣還是熱得要命的時候，不少同事午飯都買沙律回公司吃，問他們：「夠飽㗎啦！？」大家不約而同回應：「夠！天氣熱無乜胃口，又唔想食熱嘢嘛！」

提到沙律，我十分喜歡吃burrata cheese，它是意大利水牛芝士的一種，圓圓似球形，外層白色，用mozzarella做，較厚，裏面則充滿香滑柔軟的芝士 (stracciatella)及忌廉。很多芝士可以久留，但它就特別有性格，要新鮮食！ 

很多餐廳的前菜都可點burrata cheese，多數伴火箭菜、番茄、乾果等，不過若想按心情自由配搭的話，當然在家自製沙律最合心意！我曾到過PMQ附近一間意大利食品專賣店買burrata cheese回家，每次特意走條長斜路上到去，都會覺得：一場嚟到，沒理由只買一個芝士！於是試過一買買三個，大件事！放久了，兩三日後開來吃已沒那麼新鮮，不好吃了！

幸好，最近發現馬會會所的一間餐廳The Rock，那裏的burrata cheese salad非常好吃！更會不時更換配菜，食極唔厭。自此，想吃burrata cheese的時候，就會到The Rock！

其實，每次吃我心愛的burrata cheese都會經歷一場天人交戰：芝士好肥！食完又不敢上磅！不如忍一忍口！不過，最後都會說服自己：耐唔耐食一個啫！唔緊要啦！

（本欄逢星期五刊登）