7-SELECT╳日本麵包名店八天堂 推5款蜜瓜菠蘿烘焙品

7-Eleven自家品牌7-SELECT繼去年聯乘日本人氣麵包店「八天堂」，推出一系列白桃甜點大受歡迎後，黛安聽公關姊妹講，今年佢哋將與「八天堂」再度合作，攜手打造5款期間限定嘅蜜瓜及菠蘿烘焙品，令大家喺今個炎夏感受不一樣嘅滋味！

姊妹話，始於昭和8年嘅廣島名店「八天堂」至今已有90多年歷史，一直秉乘嚴謹認真態度，以最新鮮美味嘅原材料，配合獨特烘焙技術製作忌廉包點。今次7-SELECT與「八天堂」以夏季盛產嘅日本香甜蜜瓜和菠蘿為主題，打造出5款期間限定烘焙品，當中包括雞蛋仔造型菠蘿夾心吉士慕絲蛋糕、日本製造嘅蜜瓜吉士雙層忌廉泡芙、蜜瓜忌廉蛋糕、蜜瓜忌廉瑞士卷，以及首次與「八天堂」合作推出嘅蜜瓜吉士包，售價由$11至$22不等。

各款甜點及烘焙品造型可愛，食落每啖都感受到清新香甜感覺，5款產品明日（21日）起限定發售，蜜瓜及菠蘿愛好者唔好錯過呀。