信和商場「Love in the City」活動 尖沙咀中心帝國中心化身巨型示愛LED卡

情人節將到，大家諗好節目與愛侶慶祝未？黛安收到風，信和集團旗下8大商場，包括屯門市廣場、奧海城、荃新天地、中港城、黃金海岸商場、尖沙咀中心及帝國中心、藍灣廣場及信和廣場，特別推出「Love in the City」活動，其中尖沙咀中心及帝國中心外牆將化身4,000平方米巨型LED心意卡！

即日起至2月7日，S+REWARDS會員只需憑50點數就可參加換領活動，從「I Love You」、「Marry Me」、「Happy Valentine's Day」、「有了你多麼美好」及「只想約會到八千歲」中挑選啱心水字句，填埋上、下款及申請原因，即有機會被挑選喺情人節當晚，喺幕牆展現1分鐘愛的宣言！大會亦會為呢個重要時刻拍照留念，畀情侶可以隨時重溫呢個浪漫心意。

另外，即日起尖沙咀中心及帝國中心嘅LED幕牆每晚都會不定時播放「Love in the City」推廣影片，大家可以喺浪漫信息布景下同愛侶打卡自拍，享受浪漫時光。