迷你MIRROR 12子登陸麥當勞 Baby MIRROR Mini公仔周四發售

「鏡粉」注意喇！黛安知道，麥當勞聯乘MIRROR推出限量Baby MIRROR Mini公仔，呢批公仔會盡顯佢哋貪吃又可愛嘅一面，12位成員喺美食面前各有所好，例如姜濤就對巨無霸愛不釋手；Anson Lo誠意推介McCafé優質手調咖啡等；全系列共12款公仔將分4套喺本周四（8日）正式發售，每套會有3款公仔，數量有限，別具珍藏價值。

另外，即日（5日）起，期間限定美食爆蒜麥炸雞會「脆」爆回歸，麥當勞App用戶可憑電子優惠券包括「$36爆蒜麥炸雞（2件）配飲品」、「$39爆蒜麥炸雞薯蓉套餐」或「選購超值套餐加$10配麥炸雞（1件）」等享盡各款優惠，仲可獲隨機派發嘅「鏡仔卡」1張，全套16款「鏡仔卡」將分4星期推出，包括12位成員嘅個人卡及充滿團魂嘅4款組合卡。

首先會以姜濤、Stanley及Tiger個人卡打頭陣登場，再加上1款組合卡，共推出4款「鏡仔卡」，畀各位粉絲換領。