7-Eleven限量版迪士尼精品 雙層杯雨傘同步推

7-Eleven繼上月底推出8款CP值極高嘅拉麵碗套裝系列後，黛安知道，今個星期三（14日）起，佢哋會加推限量版迪士尼系列「真空雙層杯」和「免持站立式長雨傘」，迪士尼粉絲們準備搶購喇！

5款迪士尼「真空雙層杯」分別由米奇與米妮、小熊維尼、鋼牙與大鼻、反斗奇兵成員巴斯光年、胡迪和三眼仔，以及蜘蛛俠做主題。個杯容量有約475ml，內層係以食品級304不鏽鋼製造，雙層設計可盛載熱飲，延長保溫或保冷時間達1小時，仲隨杯附送304不鏽鋼飲管㖭。而三眼仔和唐老鴨設計嘅「免持站立式長雨傘」，亦會同步推出。

今個星期三起至10月14日，只要儲齊8張印花加$124即可換購「真空雙層杯」2件；同期任何消費加$139，或yuu會員以8,000 yuu積分加$89，亦可換購「免持站立式長雨傘」1款㗎。