「角落小夥伴™」回歸元気寿司 消費換購聯乘禮品

充滿療癒感嘅角落小夥伴™再度回歸元気寿司，仲會化身一系列限定嘅特色餐目及可愛造型禮品同大家見面。黛安知道，凡惠顧堂食或到店外賣自取滿$150或以上，加$24即可換購「角落小夥伴™拉繩公仔掛飾」1個；或者可加$38換購蜥蜴或炸豬排款式嘅「角落小夥伴™餐碟」1隻，每張單最多只可換購1隻，聯乘禮品數量有限，換完即止，粉絲想換購就要快手喇。

另外，小夥伴們亦會化身唔同嘅特色美食，到餐桌同大家見面，例如熟蝦蟹柳沙律蛋奄列、炸豬排玉子手卷、炸蝦尾甜品杯等，蛋奄列上仲印埋可愛嘅炸蝦尾圖案，超級可愛；而外賣限定嘅「角落小夥伴™兒童壽司盛」，小朋友見到必定好開心；每售出一盒兒童壽司盛，元気寿司仲會捐出$5畀香港青年協會以支持「開心童玩—愉快學習計劃」㖭。