新年限定 麥當勞App推吉祥套餐

聽日就係農曆大年初一，黛安預祝大家來年虎虎生威、做事如虎添翼！而麥當勞App亦趁新年推出3款農曆新年期間限定吉祥套餐，即日起至初六前可憑App內電子優惠券購買多款特別餐點，例如「$45歎虎虎生威一人套餐」畀大家特價歎黃金菠蘿雞堡或黃金脆薯牛堡超值套餐，仲可以加配香脆嘅蘋果批或朱古力批，過年食膩咗煎堆油角，可以轉吓口味。

想同親友一齊分享亦有好選擇，如「$69歎合家歡喜親子二人餐」(圖）畀大家點選巨無霸或板燒雞腿飽餐，再加一個麥樂雞或魚柳飽嘅開心樂園餐，保證大人小朋友都開心；而「$90歎如虎添翼麥炸雞二人餐」畀夠4件麥炸雞同6件麥樂雞，作為「開年餐」都唔錯。

另即日起至下月16日，顧客到麥當勞餐廳或麥當勞App用PayMe from HSBC消費滿$35，更可享全單9折優惠，唔可以錯過。