「閱讀‧夢飛翔」慈善基金 籌$35萬助農村學童

一直關注農村學校和學生教育嘅「閱讀‧夢飛翔」文化關懷慈善基金，上月初舉行慈善籌款晚宴，為基金籌到約$35萬善款。黛安知道，慈善晚宴獲MCA Limited、京基優越財富管理及Babysteps Limited冠名贊助，仲有愛心人士捐出珍貴收藏品作慈善拍賣用途，現場競投都熱烈。主席馮嘉諾博士話︰「過去兩年嘅疫情影響咗基金嘅籌款工作，但係基金嘅工作從來無停止。」佢仲呼籲大家捐款支持基金嘅教育營運經費，希望更多農村學童能夠受惠。

當晚佢哋仲請到第二屆「閱讀‧夢飛翔」閱讀教育實踐飛躍大獎多位獲獎嘅學校圖書館主任及校長出席；飛躍大獎頒獎禮喺上月18日已順利舉行，黛安都有參加同場舉行嘅閱讀教育專題／分享講座，真係獲益良多。