K11 MUSEA「光之藝術嘉年華」 體驗歐洲浪漫聖誕

起源於意大利文藝復興時期嘅光之祭典Luminarie（意大利文意思為亮燈），係歐洲年度聖誕盛事，黛安聽公關姊妹講，K11 MUSEA今年聖誕都將呢股歐式浪漫帶咗嚟香港，請咗工程師同工匠用咗超過1,500小時，喺6樓Sculpture Park打造咗一個港版Luminarie--光之藝術嘉年華。以燈泡砌成嘅金光拱門，圖案同K11 MUSEA標誌性嘅建築元素互相呼應。

只要穿過金光拱門就會到達「聖誕節村」Pop-up，裏面有超過20個國際及本地飲食、手工藝與生活品牌，充滿歐洲小鎮風情，最適合去歎美食同買禮物！

K11 MUSEA喺周末及聖誕假期期間，亦會舉行多項文化表演，例如25及26日就有盛大芭蕾舞歌劇滙演《Carnaval Masquerade》，鍾意藝術表演嘅朋友千祈唔好錯過呀！