全港首家Funko限定店登陸The ONE 推新春限量福袋

新年就到唔知到時收到嘅利市點用好？姊妹同黛安講，美國著名玩具模型品牌Funko，即日起至下月28日前，會喺尖沙咀The ONE嘅UG2中庭開設全港首間期間限定店，除咗可買到逾60款人氣卡通及動漫人物嘅產品，仲可以同首次喺亞洲亮相嘅胡迪警長、三眼仔、Iron Man同埋EVA初號機5呎巨型Funko POP！公仔合照，機會難逢。

姊妹話，今次期間限定店會有逾20款產品，係亞洲首次開售，仲會加推3款Funko POP！新春限量福袋，每個福袋附有7款Funko POP！產品，只需以$368就可以買到，但係只得18份，手快有快慢無！另外，如果即場喺限定店購物滿$300，就可收到Mystery Mini迷你POP！一個；夠$500，仲可額外加送一支得意造型筆，真係要嗱嗱聲去喇！