屈臣氏電子商店邀香港品牌加盟 齊撑本地薑

近排好多舖頭都因為經濟轉差捱唔住而執笠，黛安收到風，屈臣氏近日推出咗「齊撑本地薑」計劃，提供平台畀市民購買本地產品，聽講目前已有逾40個本地品牌加盟屈臣氏電子商店。黛安上電子商店睇過，產品涵蓋多個範疇，例如有專賣個人護理產品嘅「平凡媽媽」、專售賣手作養生茶嘅「四季養生茶館」、主打養生平台嘅「CheckCheckCin」、全港唯一麵粉廠「九龍麵粉廠」、高質手工啤「『友』手工啤酒」等，夠晒多元化。

黛安都揀咗唔少心水貨品，正打算喺「四季養生茶館」買啲南棗桂圓黑糖薑蜜；姊妹就話想幫襯九龍麵粉廠，買定啲家用裝麵粉用嚟整麵包。想了解多啲產品詳情，瀏覽詳情【請按此】。