提前預訂明年飛韓機票 有效期一年 彈性大折扣高

疫情肆虐令到好多人成年都無去旅行，但係唔少機構都摩拳擦掌等開關㗎！身為韓迷嘅黛安，知道韓國觀光公社香港支社（KTOHK）最近同大韓航空、韓亞航空、真航空同德威航空合作，推出「飛韓假期」（Fly-K-ation）計劃，提供2021年全年彈性訂購機票優惠，折扣高達50%；如果在12月內預訂機票，更有機會獲贈「舒心你遊」防疫旅遊禮品包㖭！

黛安收到風，即日起經呢4間航空公司預訂機票，有效期長達1年，仲可豁免重新訂位手續費，4間公司各自提供唔同優惠，例如半價買預購券、低至$530嘅機票等，黛安睇見咁多優惠都心動啊。

此外，今個月內預訂機票，更可憑單據及電子機票去www.flykorea.hk做登記，就可以免費獲得「舒心你遊」防疫旅遊禮品包，內有韓國觀光年曆同旅遊指南、購物袋同入定3,000韓圜嘅T-money交通卡，以及口罩收納夾同酒精搓手液等，禮品數量有限，先到先得。