7-Eleven 連續5日免費送1萬杯咖啡

天氣轉涼，梗係要歎番杯暖笠笠嘅咖啡啦！黛安最近鍾情飲7-Eleven嘅100% Arabica（阿拉伯加）咖啡，想試下有幾好飲？呢幾日上網玩遊戲答問題，就有機會免費試飲喇！公關姊妹話，7Café選用嘅100% Arabica咖啡豆，係來自巴西、洪都拉斯、印尼峇里及蘇門答臘認可評定為頂級嘅咖啡豆，運抵香港後再新鮮烘焙，以保存咖啡獨有香氣。咖啡好飲之餘，應節杯身亦由黑色換成彩色杯身，以霓虹燈風格繪出7-Eleven店舖、氣球、蛋糕等圖案，特別有聖誕節日氣氛。

7-Eleven由噚日開始，一連5日送出1萬杯免費咖啡，只要每晚9時正【按此】登入網站瀏覽，根據指示答一條簡單問題，然後輸入有效嘅本地手機號碼，即可參加活動。每日首2,000位答啱問題嘅參加者，可獲贈免費電子換領券1張。想免費歎杯靚咖啡，今晚記得準時登入網站參加喇！